TUNA:

ALTUNA SEJDIU - TUNA NE VIDEO FEST

Altuna Sejdiu – Tuna, fituesja e çmimit “Best Female Video” në “Video Fest”

Tuna është njëra ndër këngëtaret më atraktive dhe më të suksesshme në vend. Edhe pse e re ajo ka arritur të pushtojë zemrat e secilës moshë. Me sharmin e saj dhe me sensin e madh për veshje, Tuna është bërë idol i secilës femër dhe ëndërr e secilit mashkull. Edhe përkundër famës, ajo me modesti përshkruan ditët e zakonshme të saj.

Suksesin e fundit e shënoi disa ditësh kur u kthye “Video Festi” me çmimin Best Female Video. Më 21 prill të këtij viti, ajo promovoi albumin e dytë me titull “Ska më diktaturë” dhe videoklipin me po të njëjtin titull.

Altuna Sejdiu – Tuna, fituesja e çmimit “Best Female Video” në “Video Fest”

AIDA: - U kthyet nga Prishtina me një çmim tjetër…

Altuna Sejdiu TUNA:  - Ishte një kënaqësi e veçantë. Këngëtari nuk punon për të marrë çmime, por kur punon profesionalisht atëherë çmimet vijnë. Ky është një satisfakcion i madh për një artist, një shpërblim që të motivon edhe më shumë… Kënaqësi të veçantë të jep edhe publiku, kur e pranon një këngë, e këndon atë… Kështu ndodh edhe me këngën “S’ka më diktaturë”, me një mesazh shumëkuptimësh.

AIDA: - Njiheni si këngëtare prapa së cilës qëndron një ekip i tërë. A bashkëpunoni edhe me artistë të tjerë?

Altuna Sejdiu TUNA: - Po. Mendoj se bashkëpunimi është i domosdoshëm për të ndërtuar një karierë të suksesshme. Bashkëpunoj me këngëtarë nga Kosova, Shqipëria, Maqedonia dhe fatmirësisht deri më tani nuk kam pasur asnjë konflikt. Në aspektin profesional kam bashkëpunuar edhe me Albertin, një këngëtar që jeton ne New York.

AIDA: - Me çka merreni përveç muzikës?

Altuna Sejdiu TUNA: - Jam studente në vitin e parë në Fakultetin e Shkencave të Komunikimit  - dega mediumet, në UEJL.  Kam shumë obligime profesionale, kurse në atë pak kohë të lirë që më mbetet, rri me njerëzit që i dua. Përveç kësaj ushtroj dhe përgatitem për koncertin personal që duhet të mbahet në shtator.

AIDA: - Çka të disponon dhe të nervozon?

Altuna Sejdiu TUNA: - Më disponon Klajdi, qeni im, me gjestet e tij. Më disponojnë njerëzit që më tregojnë lajme të mira dhe kanë energji pozitive. Disponohem kur jap provime… Më nervozojnë njerëzit dyftyrësh, cinik dhe vetjak… Nervozohem kur s’arrij t’i kryej me kohë të gjithë obligimet.

AIDA: - Një pyetje të rëndomtë: a je e dashuruar?

Altuna Sejdiu TUNA: - (qesh) Adhuruesit e mi dhe ata që më duan kanë mjaft nga unë: dy albume dhe këngë që flasin për jetën time.

Ju mund te shkruani pershtypjet e juaja per ALTUNA SEJDIU TUNA ne forumin VENDLINDJA duke klikuar KET...>>

AIDA SARACINI

SHKUP