Deformimi dhe ndryshimi i teresishem i kengeve dhe “transformimi” i tyre nga gjuhe te ndryshme ne gjuhen shqipe, po kalon si diçka e paverejtur si nga qytetaret ashtu edhe nga kritiket muzikore. Vlerat e mirefillta artistike mund te verehen vetem te nje numer i vogel kengetaresh te cilet, çuditerisht, kane vendosur te mos lundrojne neper ujerat e komercializmit.

Publiku e ka te veshtire te dalloje kengen origjinale nga ajo qe eshte e huazuar. Neper radiot dhe televizionet shqiptare, çdo dite e me teper, po degjojme kenge qe jane te huazuara ne menyre komplete nga serbishtja, turqishtja, bullgarishtja apo rumunishtja, me ç’rast behet vetem perkthimi i tekstit.

“Huazimi i kengeve te huaja behet nga mosdija dhe mungesa e shkollimit te kengetareve, mungesa e kompozitoreve dhe deshira e madhe per t’u bere te gjithe kengetare; mungesa e kontrollit te institucioneve perkatese (produkcioneve), pasi qe ne keto treva secili mund te inçizoje dhe te behet kengetar”-thote dirigjenti shqiptare, Arifikmet Xhemaili.

Per t’iu larguar huazimeve nga gjuhet e huaja, Arifikmet Xhemaili, mendon se duhet qe te shkollohen gjeneratat e reja te cilat do te dine te vleresojne, te bejne nje zgjedhje, edhe per degjim edhe per kompozim.

“Keshtu mesiguri do te mbeshteten ne vlerat qe ne i quajme artistike dhe do t’u ikim huazimeve te plota te kengeve dhe teksteve”, thote Xhemaili.

Fatekeqesisht, keto kenge, jo vetem se po punohen nga emra te njohur te estrades (Anxhela Peristeri, Rovena Stefa, Genta, Leonora Jakupi, etj.), por edhe degjohen ne mase te madhe, madje jane hite qe degjohen kudo.

Persa i perket ketij fenomeni prononcohet edhe shoumeni i njohur shqiptar Adi Krasta, i cili ka dhene nje kontribut te jashtezakonshem per zbulimin e telenteve te rinj nepermjet “Etheve”.

“Jetojme ne nje periudhe te veshtire te biznesit muzikor. eshte e veshtire me sa duket te besh produksione kengesh origjinale. Po t’i degjosh me vemendje, tekstet e pershtatura jane te nje niveli te ulet, shpesh banal, nuk i pergjigjen nivelit mesatar te popullsise. Por kasetat shiten dhe "albumet" degjohen. Per kenget origjinale serbe, maqedonase, turke e italiane behet pompe si te ishin prodhime te mirefillta shqiptare dhe ç'eshte me e çuditeshme kengetaret nuk e fshehin burimin e ketyre krijimeve muzikore. Nuk eshte e ndershme mbase, ne kuptimin etik te fjales por thuhet se ne biznes nuk ka turp. Per te fituar para, nje njeri jo domosdoshmerisht duhet te kete shume skrupuj”-thote per “Lajm” showmeni me i mire shqipetar, Adi Krasta.

“Nuk na mbetet gje veçse te mos i blejme kasetat e albumet nese nuk jemi dakord me faktin sa jane marre nga vende te tjera. Por dyshoj shume se tek njerezit e zakonshem funksionon ky mekanizem analitik”- thote Adi Krasta.

Ne mesin e kompozitoreve ka mendime se ky invazion i kiçit mund te parandalohet nese do te kishte nje ligj per te drejtat autoriale, ashtu siç ekziston kudo ne bote. Ne te kunderten, thone ata, vetem do te flasim dhe shkruajme, por s’do te kete kurfare efekti.

Dergo komente rreth muzike Turbo ne Forum