E falënderojmë Ismail Kadarenë për idenë. Shpresojmë se të drejtat autoriale nuk janë të thyera dhe se pas kësaj nuk pason padi nga ana e tij. Sidoqoftë, ne vetëm mund t’ia risim publicitetin, hehe.“-thonë anëtarët e grupit.

Shkup, Grupi i ri shqiptarë i muzikës alternative „Gjenerali i ushtrisë së vdekur“ është formuar para shtatë muajsh, mirëpo, ideja për një bend të këtillë ka kaluar dhe është përpunuar nëpër vite të tëra. Ky grup përbëhet prej pesë anëtarëve dhe atë në rritëm kitarë, Kushtrim Sadiku (vokal); solo, Besart Emini; bass,Gent Mehmeti (vokal përcjellës); violinë, Edon Ramadani dhe bateri, Kadir Atullahu. „Vërtet jemi formuar që shtatë muaj, mirëpo ideja për formimin e një grupi të tillë është e kamotshme. Kur në jetën tonë u shfaqën burime të të ardhurave, për së pari herë hapëruam drejt realizimit të “idesë së madhe”. Bendi quhet “Gjenerali i ushtrisë së Vdekur”. Shpresojmë se të drejtat autoriale nuk janë të thyera dhe se pas kësaj nuk pason padi nga ana Ismail Kadaresë. Sidoqoftë, ne vetëm mund t’ia risim publicitetin, hehe.“-thonë anëtarët e grupit „Gjenerali i ushtrisë së vdekur“.

Në muzikën që e kultivon grupi „Gjenerali i ushtrisë së vdekur“ ka elemente të shumëllojshme nga destilatet e “rock n’rollit”. Ata pretendojnë që stili i tyre të mbetet diku në mes progresiv rokut dhe old school punk muzikës. Megjithatë, ata thonë se aspak nuk do të nguronin në futjen e elementeve edhe nga ryma tjera si  elektronikë dhe pse jo edhe klasikë në një formë më ekstreme.

„Sa u përket organizatorëve mund të them se ne nuk jemi të interesuar për “Nota Fest” dhe asgjë të ngjashme që quhet festival, e ku mund të improvizohet mënyra e këndimit. patetik…“-thonë anëtarët e grupit.

Sa u përket grupeve shqiptare që kultivojnë muzikën rock, mendojnë se kanë shkuar hapave të gabueshëm. Ata thonë se këto grupe duhet ta kenë të qartë se qëllimi i formimit të një bendi nuk është që të bëhesh “rock star” , por të krijosh diçka me peshë, diçka që nuk është e ndikuar nga asnjë faktor i jashtëm, përveç atij muzikor.

„Ke zgjidhje për momentet kur je duke kontrolluar timonin, zgjidhje për momentet kur dëshiron të bësh vetëvrasje, zgjidhje për momentet kur dëshiron të martohesh ka, por zgjidhje të muzikës underground dhe cilësore, në Maqedoni, për fat të keq nuk ka. Kuptohet, kjo nuk vlen për Kosovë dhe Shqipëri e as në mesin e popullatës maqedonase këtu tek ne.“-thonë të grupit „Gjenerali i ushtrisë së vdekur“.

Për të ardhmen ky grup planifikon incizimin e këngëve të cilat ende gjenden nën statusin e “produksionit shtëpiak” në mini studion e tyre, për të cilën thonë se “kryen punë”.

„Nëse na jepet mundësia për realizimin e spotit, ajo do të ndodhë diku ku ende nuk kanë mbërirë. Underground, sidoqoftë… „-thonë ata.