PA PARDON ALI AHMETI...

UDHEHEQESIT E BDI-se KANE HYRE NE POLITIKE DUKE I DJEGUR VNDBANIMET SHQIPTARE

Një shprehje popullore thotë se kur të vegjlit hanë mollat e tharpta të rriturve u mpihen dhëmbët. Në politikë është e kundërta: të”mëdhejt i gatuajnë gjerat e tharpta e popullit i mpihen dhëmbët.
Për çfarë dështimesh dhe suksesesh e kanë fjalën ? Nuk e di se me cilin kantar masin « dështimet » e të tjerëve dhe « suksesinn e vet ». Interpretimet e ndryshme lidhen me të kaluarën tonë.Për të sqaruar lexuesin e gazetës « Koha Ditore » më duhet të përmendi vetëm disa fakte.

Ajo që është e vërtetë mbështetet në faktin se unë dhe udhëheqësit e BDI-së, edhe kur kemi qenë të angazhuar në të njëjtën strukturë politike, kemi pasur orientime të ndryshme. Në kohën kur udhëheqësit aktual të BDI-së përpiqeshin me çdo kusht për të marrë pensione invalidore nga spitalet neuropsikiatrike të Zvicrës unë përpiqesha të kryej studimet e Shkencave Politike në një Universitet me renome botërore (Universitetin e Lozanës). Eshtë e vërtetë se në të njëjtën kohë kur ata dolën në pension invalidor me diagnozë psikiatrike unë diplomova në shkencat politike.

Fakti që diplomimi dhe magjistrimi konsiderohen si dështim nga ata që kanë pensione invalidore nga spitalet neuropsikiatrike nuk më habit aspak. Aq e kanë kapacitetin intelektual për të gjykuar se çka është « dështim » e çka është « sukses ». Nëse diplomat universitare janë dështim atëherë pse udheheqësit e BDI-së pas luftës filluan t’i fshehin « diplomat » e invaliditetit dhe të blejnë diploma universitare. Populli thot një shprehje të bukur : Dielli me shoshë nuk fshihet ! Meqë u referohen UCK-së dhe hapsirës politike në Kosovë për suksese dhe dështime po përmendi faktet që janë të njohura për opinioni publik shqiptar.

Unë dhe udhëheqësi i BDI-së kemi qenë në strukturat e larta të UCK-së. Për të gjitha gabimet që ka bërë udhëheqësi i BDI-së u përjashtua nga Shtabi i Përgjithshëm i UCK-së. Ndërsa për rezultatet që kam treguar në legjitimimin e UCK-së në përmasa ndërkombëtare, si anëtar i Drejtorisë Politike të UCK-së, jam dekoruar me urdhërin më të lartë që janë dekoruar udhëheqësit e luftës : Urdhërin Adem Jashari. Nëse punën e vete e konsiderojnë sukses e punën time dështim unë nuk çuditem se aq e kanë kapacitetin intelektual. Sa më përket mua, « Dekorata Adem Jashari » ka vlerë më shumë se të gjitha funkcionet që mund të imagjinojë një politikan.

Pas luftës, struktuara në të cilën vepronim bashkë me udhëheqësit e BDI-së u transformua në Partinë për Bashkim Demokratik. Unë u zgjodha kryetar i kësaj partie ndërsa Ali Ahmeti, i cili ishte tepër aktiv në tërë procesin e transformimit të LPK-së, u zgjodh anëtar i Këshillit Drejtues. Nga momenti kur nuk u zgjodh në kryesie të partisë ai pasivizoi aktivitetin në kuadër të partisë dhe u angazhua në drejtim tjetër.

Nëse zgjedhjen time si kryetar partie dhe si Ministër i Punëve të Jashtme të Kosovës e konsideron si dështim është e kuptueshme se aq e kanë kapacitetin intelektual për të gjykuar se çka është dështim e çka është sukses.

Me qëllim të afrimit të forcave politike të krahut të luftës në Kosovë unë hoqa dorë nga posti im i kryetarit dhe pranova postin e nënkryetarit. Për mua është një sukses. Por, i kuptoj pse quajnë dështim heqjen dorë nga karriera individuale për interesa të përgjithshme ata që bënë pike e pesë luftëtarët e UCK-së në Maqedoni për t’u afruar me ish-udbashët. Ata mund të vazhdojnë të krekosen me „sukseset“ e këtilla. Për mua sukseset e tilla janë neveritëse. Nëse udhëheqësi i BDI-së hyrjen e vet në politikë për të ruajtur integritetin dhe sovranitetin e shtetit maqedonas, duke djegur vendbanimet shqiptare, e quan sukses, unë mburrem me « dështimin » tim në këtë drejtim

Meqenëse i njoh mirë motivet e angazhimit tuaj politik po përmendë një nga faktet e shumta të bisedava që kemi pasur gjatë luftës në Maqedoni. Fakt që i jep kuptim logjikës karrieriste të individit dhe pasojave që i përjeton populli.

Për t’i dhënë kulm arrogancës tënde dhe për të nxjerrë në shesh qëllimin e vërtetë të ambicjeve tua t’i më thirre ne telefon atë natë kur forcat maqedonase ishin nisur në drejtim të Zajazi.
Me një zë që dridhej dhe që shprehte panikën që të kishte kapluar, më thirre në telefon duke mu drejtuar : ”Bardhyl, forcat maqedonase janë nisur në drejtim të Zajazit. Atje e kam familjen dhe mund t’u ndodh diqka e keqe. Thuaj Arbrit që të bëjë çka është e mundur që të mos sulmohet Zajazi. Të lutem bisedo me Arbrin dhe mundohu të ndikosh te ai. Lajmërohu pasi të bisedosh me Arbrin...“
I sigurtë se telefoni im ishte duke u përgjuar në vazhdimsi nga shërbimet sekrete të disa shteteve që ishin prezent në Kosovë nuk deshta të të përmbledh ashtu siq e meritoje. Doja të të pyes se a të brente ndërgjegja për familjet tjera shqiptare që ishin nën breshëritë e bombardimeve maqedonase? A të brente ndërgjegja për familjet shqiptare të rrethit të Kumanovës? A të brente ndërgjegja për familjet shqiptare të rrethit të Shkupit? A të brente ndërgjegja për familjet shqiptare të rrethit të Tetovës.... ?Jo, u binda se ty nuk të brente ndërgjegja për askend. Pos karrierës tënde politike dhe shpëtimit të familjes tënde asgjë nuk kishte vlerë për ty.
Megjithatë e thirra Arbrin dhe e njoftova për situatën në Zajaz. E bëra këtë sepse nuk doja që asnjë familje shqiptare, pra as familjes tënde, t’i ndodhte ndonjë e keqe. Rezultatin e di. Familja yte dhe Zajazi nuk u sulmua.
Sot, kur shoh se me çfarë paturpsie kërkon votat e shqiptarëve. Sot kur shoh se me çfarë paturpsi vjedh votat e shqiptarëve, nuk mund të hesht. Populli shqiptar duhet ta di se ti nuk ke të drejtë morale të kërkosh votat e familjeve shqiptare të rrethit të Kumanovës! Ti nuk ke të drejtë morale të kërkosh votat e familjeve shqiptare të rrethit të Shkupit! Ti nuk ke të drejtë morale të kërkosh votat e familjeve shqiptare të rrethit të Tetovës! Ti nuk ke të drejtë morale të kërkosh votat e familjeve shqiptare të rrethit të Gostivarit.! Ti nuk ke të drejtë morale të kërkosh votat e familjeve shqiptare të rrethit të Dibres!Ti nuk ke të drejtë morale të kërkosh votat e familjeve shqiptare të rrethit të Strugës. Ti nuk ke të drejtë morale të kërkosh votat e familjeve shqiptare të rrethit të Ohrit! Ti nuk ke të drejtë morale të kërkosh votat e familjeve shqiptare të rrethit të Kërçovës! Ti nuk ke të drejtë morale të kërkosh as votat e familjeve shqiptare të Zajazit! Ti ke të drejtë morale të kërkosh vetëm votat e familjes tënde. Sepse vetëm për te dhe për karrierën tënde ke menduar! Nëse këte e konsideron sukses unë për veten time nuk kam nevojë për suksese të tilla.
Një shprehje popullore thotë se kur të vegjlit hanë mollat e tharpta të rriturve u mpihen dhëmbët. Në politikë është e kundërta: të”mëdhejt i gatuajnë gjerat e tharpta e popullit i mpihen dhëmbët. Shpresoj që populli shqiptar në Maqedoni, të cilit i janë gjakosur dhëmbët nga karrierizmi i „liderëve“ matrapaz, do të dijë t’u japë besimin forcave që çojnë proceset përpara.

Ndërsa sa u përket spekulimeve se do të vij si kryetar i PNDSH-së u bëj me dije se asnjë bisedë me Mesut Shabanin (shokun e fëmijërisë) nuk kam zhvilluar në këtë drejtim. Angazhimi eventual i imi në Maqedoni do të bëhet në kohen kur unë mendoj se mund të kontriboj për popullin tim e në asnjë rast nuk do të angazhohem për funkcione dhe karrierën time personale. Nëse vjen koha e angazhimit tim në skenën politike të Maqedonisë do t’u njoftoj personalisht se cilës strukturë do t’i bashkangjitem. Dhe hiq nuk më bën përshtypje mendimi i Ali Ahmetit dhe udhëheqësve të BDI-së. Le të vazhdojnë të quajnë karrierën time „dështim“.
Për fund, një gjë është e sigurtë. Nëse fushveprimi politik më është i kufizuar unë asnjëherë nuk do të angazhohem në politikë për ta bërë bërllog si Ali Ahmeti dhe bërllogat tjerë Të BDI-së
KOHA DITORE

01/07/2005 17:27:37