BIOGRAFIA E MR BARDHYL MAHMUTIT

Bardhyl Mahmuti i njohur edhe si Bardhyl Berisha.

I lindur më 1 shkurt 1960 në Tetovë. Në janar të vitit 1969 burgoset, për motive politike, babai i Bardhylit (Beqir Berisha). Beqir Berisha ishte Këshilltar i Arsimit për Tetovë dhe Gostivar dhe dënohet për arsye se është munduar të hapë paralele të mësimit në gjuhën shqipe.

Pas përfundimit të dënimit prej 1 vjet burg dhe diferencimit politik, në shtator të vitit 1972 familja e Bardhylit shpërngulet në Prishtinë. Në vitin 1978 organizohet së bashku me atdhetarë Rafi Halili, Bejtulla Ademi, Xhevat Ademi, Xhevat Xhemaili etj. në organizatën  “Kushtrimi i Lirisë”.

Në vitin 1981 si student i Fakultetit të Shkencave Matematiko Natyrore burgoset për pjesmarrje në demonstrateë dhe mbështetjen e kërkesës “Kosova Republikë” haptaz përmes një interviste televizive. Dënohet më 7 vjet burg.

Pas përfundimit të  dënimit në vitin 1998 riorganizohet në strukturat e LPRK-së (më vonë LPK) dhe së bashku me Afrim Zhitinë, Fadil Vatën, Fahri Fazliun, Ramadan Avdiun, Halil Selimin, etj. Bëhen bartës të strukturave.

Në nëntor të vitit 1989, i rrezikuar të arrestohet përsëri, në consultë me organin drejtues vendos të largohet nga vendi dhe kërkoi azil politik në Zvicër.

Zvicra i ofroi strehim dhe i mundësoi të vazhdojë studimet. Bardhyli filloi studimet në Universitetin e Lausanne-së në vitin 1991 dhe diplomoi në afat rekord në vitin 1994. Në vitin 1997 magjistroi në këtë fakultet.  Për shkak të angazhimeve si përfaqësues politik i UCK-së nuk vazhdoi doktoraturën. U dekorua me “Urdhërin Adem Jashari “ për meritat në udhëheqjen e diplomacisë së UCK-së.

Pas luftës së Kosovës zgjedhet kryetar i Partisw për Bashkim Demokratik dhe Ministër i Punëve të Jashtme të Kosovës.

Bashkon fiorcat me Drejtorin e Drejtorisë Politike të UCK-së z.Hashim  Thaçin për themelimin e PDK-së. Ku zgjedhet Nënkryetar i Parë i Partisë.

Në mars të vitit 2006, kur partia e Arbër Xhaferit ishte në opozitë, Bardhyl Mahmuti angazhohet në PDSH dhe merr pjesë në fushatën elektorale të saj.

Nga kjo parti, që pas zgjedhjeve 2006 futet ne qeveri,  pas 60 ditëve Bardhyli vendos të largohet për shkak të thyerjes së marrëveshjes nga krerët e PDSH-së dhe të mosrealizimit të premtimeve elektorale në ,,Zgjedhjet e 2006".

Më 29 qershor 2007 Bardhyl Mahmuti bënë publike nisjen e themelimit të Bashkimit Demokratik Shqiptar dhe në Kuvendin themelues të saj më 9 shtator 2007 nga delegateët e rretheve të Iliridës zgjedhet Kryetar.