FJALIMI I MR BARDHYL MAHMUTIT NE TETOVE

Fjalimi i Mr. Bardhyl Mahmutit me qytetaret e Tetoves

Më pas fjalën e mori Bardhyl Mahmuti i cili ndër të tjera tha: “Me 10 qershor 1978 në Tetovë kam dhënë betimin se do të angazhohem se do të angazhohem deri në realizimin e të plotë të të drejtave të shqiptarëve. Për më shumë se dy dekada, meqenëse lufta e popullit shqiptarë ishte e orientuar për realizimin e kërkesave të popullit shqiptarë të Kosovës, unë si dhe shumë shokë nga Tetova dhe vise tjera të maqedonisë u angazhuam në këtë lëvizje. Tani, pasiqë shihet qartë se pavarsia e Kosovës është e pashmangshme, nga njëra anë dhe nga ana tjetër duke parë se të drejtat e popullit shqiptarë në maqedoni ende janë larg për tu realizuar, duke parë se kjo garniturë e politikanëve që përfaqësojnë shqiptarët nuk është e aftë që të realizojë të drejtat legjitime të shqiptarëve, duke parë se gjendja ekonomike është katandisur deri në një katastrofë humanitare, duke parë se të drejtat politike janë cunguar deri në maksimum, unë ja kam për borxh vendit tim që të angazhohem. Meqense kam biseduar me shumë forca politike dhe nga të gjithat kam parë Partinë Demokratike Shqiptare si bosht rreth së cilës mund të mobilizohemi të gjithë, intelektualët, profesionistët dhe patriotet e mirfilltë, kam ra në kontakt me kryetarin dhe zëvendëskryetarin e kësaj partie dhe kemi gjetur një gjuhë të përbashkët që hapen dyert për tërë potencialin demokratik me qëllim që të bëjmë një forcë të mirfilltë demokratike dhe ti realizojmë të drejtat tona legjitime. Kam kënaqësinë që në mesin tonë janë edhe figurat më të lavdishme Ushtrisë Çlirimtare të Kosovës zoti Jakup Krasniqi, zoti Fatmir Limaj, Gjeneral Sami Llushtaku, ish veprimtarë i lëvizjes dhe deputet i Parlamentit të Kosovës Bajrush Xhemajli, ish antrët e grupit politik për diplomaci pranë Ushtrisë Çlirimtare të Kosovës Sabri Kiçmari dhe Ramadan Avdiu.