DEKLARATË

PËR MJETET E INFORMIMIT

Pas vizitës private që i bëra vendlindjes në muajin shkurt të këtij viti konstatova gjendjen e vështirë të popullit shqiptar që jeton në trojet e veta nën Maqedoni. Realiteti ishte edhe më dramatik se që ma kishin përshkruar shokët dhe miqtë e mi. Përballë kësaj gjendje unë vendosa të angazhohem politikisht për të kontribuar, aq sa mundem, në përmirësimin e gjendjes politike dhe ekonomike të shqiptarëve në këtë shtet.
Duke e e përcjellur me vëmendje raportin e forcave brenda shqiptare dhe duke pasur besim në kuadrin udhëheqës të PDSH-së vendosa që të bëhem anëtar i kësaj partie. Siç kam bërë apel në Konferencën për shtyp të 27 shkurtit, unë si anëtar i PDSH-së, ftoj të gjithë intelektualët dhe patriotët e mirëfilltë që t’i bashkëngjiten kësaj partie me qëllim që të bashkojmë tërë potencialin tonë njerëzor në realizim e të drejtave tona të ligjshme. Kësaj iniciative iu bashkëngjitën dhe po i bashkëngjiten çdo ditë forca të reja. Kjo është garancë se PDSH-ja gëzon respekt dhe populli i beson mandatin për të ecur proceset përpara.
Megjithatë, angazhimi im ka joshur disa njerëz që përmes inkuadrimit të tyre të realizojnë disa ambicie karrieriste në të njëjtën masë të disa shokëve të mi që janë joshur nga partitë tjera.Ambiciet që të jenë në listën e deputetëve kalojnë caqet e tolerancës. I irrituar nga kjo ambicie unë e ndiej për obligim të sqaroj dashamirët e mijë me sa vijon:
- Jam angazhuar në politikë për të ndihmuar në procesin e realizimit të drejtave të shqiptarëve në Maqedoni e jo për t’u bë funksionar i shtetit apo partisë. Për këtë arsye unë nuk do të jem në listën e kandidatëve për deputet të PDSH-së dhe do ta mbështes me tërë energjitë e mia listën e përpiluar nga organet udhëheqëse të partisë.

- Ftoj të gjithë shokët dhe dashamirët që ju kanë bashkangjitur PDSH-së të dëshmojnë se nuk e kanë bërë anëtarësimin në PDSH për karrierë të veten personale por për të avancuar së bashku të drejtat e popullit shqiptar në Maqedoni.
-Ftoj të gjithë shokët dhe miqtë e mi në partitë tjera t’i lënë ambicjet për karrierë personale dhe të shohin gjendjen e katandisur të popullit shqiptar ë Maqedoni.
Përkushtimin tonë për avancimin e proceseve mund ta dëshmojmë duke u angazhuar me tërë potencialin tonë individual dhe kolektiv në forcimin e partisë dhe fitoren e plotë në zgjedhjet e 5 korrikut.

Bardhyl Mahmuti

 
NESE DONI TE KOMENTONI POLITIKEN E INTEGRIMIT TE ALI AHMETIT, ATEHERE JU DUHET TE KLIKONI KETU....!