PA PARDON ALI AHMETI...

Pse nuk flet Ali Ahmeti?

I.
Duke shfletuar shkrimet interesante që kisha grumbulluar gjatë studimeve të mia më ra në sy fjalimi i një burrështetasi, që nga pozicioni i Kryetarit të vendit mbron të diskriminuarit me një guxim të pashoq.
Edhe pse e kisha lexuar disa herë dhe gati e dija përmendësh përmbajtjen e tij u shtrira në kanape dhe fillova ta rilexoj.

Fjala është për John Fitzgerald Kennedy.

Me 12 qershor 1963, përmes një fjalimi televiziv, presidenti amerikan iu drejtua kombit lidhur me racizmin dhe diskriminimin e zezakëve në SHBA.

« Një foshnje zezake që lind sot në Amerikë, pa marrë parasysh se në cilin regjion të vendit, ka gjasat e përgjysmuara për të përfunduar shkollën e mesme, të cilën e beneficon një foshnje e bardhë, e lindur në të njëjtin vend dhe në të njëjtën ditë; ka një të tretën e gjasave për të përfunduar studimet universitare; ka një të tretën e gjasave për të ushtruar një profesion liberal; ka dyfish gjasa më të mëdha të ndodhet i papunë; ka shtatë herë më pak gjasa të fitoj 10.000 dollarë në vit. Shpresa e tij për jetë është 7 vjet më pak se «i bardhi» dhe duhet të synojë të ardhura përgjysmë më të vogla se «i bardhi».

Kemi të bëjmë parasegjithash me një problem moral. Është një çështje po aq e vjetër sa edhe librat e shenjtë dhe aq e qartë sa edhe Kushtetuta e SHBA-ve. Thelbi i çështjes është të dihet se a duhet të kenë të drejta dhe shanse të barabarta të gjithë amerikanët, nëse dëshirojmë t’i trajtojmë bashkëqytetarët ashtu siç dëshirojmë të jemi të trajtuar. Nëse një amerikan, për shkak të lëkurës së tij të “mbyllur”, nuk mund të ushqehet në një restorant të hapur për publikun, nëse nuk mund t’i dërgojë fëmijët në shkollat më të mira publike, nëse nuk mund të votojë për njerëzit që e përfaqësojnë, nëse, me një fjalë, nuk mund të shijojë plotësisht jetën e lirë që ne e dëshirojmë të gjithë, atëherë cili prej nesh do të pranonte të ndërrojë ngjyrën e lëkurës dhe të zinte vendin e tij? Cili, pra, nga mesi ynë do të pranonte këshillat për durim dhe pritje? Njëqind vjet kanë kaluar që nga koha kur presidenti Linçon çliroi skllevërit; e megjithatë pasardhësit e tyre, nipërit e tyre, nuk janë ende të lire. Ende nuk janë liruar nga vargonjtë e padrejtësive. Ende nuk janë çliruar nga shtypja ekonomike dhe shoqërore dhe vendi ynë, përkundër asaj që shpreson dhe krejt asaj me të cilën mburret, nuk do të jetë plotësisht i lirë derisa të gjithë qytetarët nuk janë të lirë.

Ne predikojmë lirinë dhe në këtë pikë jemi të sinqertë, dhe ne e çmojmë lirinë që e gëzojmë këtu. Por, a mund t’i themi botës, e që është shumë e rëndësishme, a mund t’i themi njëri-tjetrit që ky vend është një vend i njerëzve të lirë, pos „zezakëve“? Që ne nuk kemi qytetarë të rendit të dytë, pos zezakëve? Që ne nuk kemi sistem të klasave dhe kastave, që nuk kemi geto, që nuk kemi raca superiore, pos në raport me zezakët?”.

II.
Zëri i TV-së m’i ndërpreu mendimet rreth përmbajtjes së këtij fjalimi. Mu duk se Branko Cërvenkovski fliste me një qetësi të paparë.” Ne mund t’i themi botës se s’kemi qytetarë të rendit të dytë, pos shqiptarëve; ne mund t’i themi botës se nuk ka të privilegjuar në shtetin tonë, pos maqedonasve; ne mund t’i themi botës se nuk ka gjuhë të privilegjuar në shtetin tonë, pos maqedonishtes; ne mund t’i themi botës se nuk ka gjuhë të diskriminuar në shtetin tonë, pos shqipes; ne mund t’i themi botës se nuk ka burgosje arbitrare në shtetin tonë, pos ndaj shqiptarëve; ne mund t’i themi botës se nuk ka procese të montuara gjyqësore në shtetin tonë, pos ndaj shqiptarëve; ne mund t’i themi botës se nuk ka përdorim të dhunës policore në shtetin tonë, pos ndaj shqiptarëve; ne mund t’i themi botës se eskadronët nga ALFA deri te OMEGA nuk ushtrojnë dhunë në shtetin tonë, pos ndaj shqiptarëve; ne mund t’i themi botës se nuk ka vrasje “misterioze” në shtetin tonë, pos ndaj shqiptarëve; …pos ndaj shqiptarëve…pos ndaj shqiptarëve…

III.
Refreni i përsëritur më këndelli.Disi më ngatërrohen karakteret e personazheve e xhelatëve në teatrit tragjik. Televizori ishte duke emituar intervistën e Ali Ahmetit dhënë RTV21 të Kosovës e jo fjalimin e Branko Cërvenkovskit.

“Maqedonia për katër vite ka regjistruar një stabilitet jashtëzakonisht të fuqishëm...” (mungon fjalia “duke shtypur shqiptarët...”), “...Maqedoni ka ngitur një reputacion të mirë ndërkombëtarë...” (“duke shtypur shqiptarët...”-mungon) ....“dhe merita kryesore për këtë është e BDI-së”. Këtu Ali Ahmeti ka plotësisht të drejtë! Merita për këtë i takon BDI-së. Ndërrova programin dhe morra veprën e Erazmo Roterdamit “Lavdërim Marrisë”. Vazhdova leximin dhe disi më përziheshin personazhet....
 

NESE DONI TE KOMENTONI POLITIKEN E INTEGRIMIT TE ALI AHMETIT, ATEHERE JU DUHET TE KLIKONI KETU....!