|
|
|
Bashkangjitju kesaj levizje duke u bere Anetare
Online! |
|
|
|
KRIMI NUK <<ZBARDHET>> POR NDRICOHET |
EPOKA E RE :
Perkunder aspiratave qe te integrohet ne BE dhe ne
NATO, skenat qe pame me rastin e intervenimit te
pushtetit ne Malesi te Tetoves dhe veçanerisht ne
Brodec i kualifikuat si masaker kunder shqiptareve.
Disa i kualifikuan « si hakmarrje ndaj luftes se
2001 » dhe kerkuan « krijimin e komisioneve
anketuese per zbardhjen e ketyre rasteve ». Cili
eshte interpretimi juaj ?
BARDHYL MAHMUTI : Te interpretosh brutalitetin
shtazarak qe treguan forcat ushtarako policore ne
Brodec « si hakmarrje ndaj Luftes se 2001 » eshte
papergjegjesi politike. Ky interpretim len te
nenkuptohet se gjoja shqiptaret i kane hak dikujt !
Kjo me detyron te rikujtoj disa nga gjarjet e
kaluara. Qe nga themeli i Maqedonise si republike
socialiste ne kuader te Federates jugosllave eshte
ndjekur politike antishqiptare. Vrasjet, plagosjet,
maltretimet, burgosjet, shpronesimet, plaçkitjet,
detyrimi per t’u shperngulur per ne Turqi dhe
forma te ndryshme te dhunes fizike dhe
psikologjike jane karakteristikat dominante te
pushtetit te Shkupit ndaj shqiptareve.
Nxitja e vazhdueshme e urrejtjen antishqiptare
prodhoi mendimin e ekskluzivitetit etnik maqedonas
ku tjetri shihet si rival per asgjesim. Politika
antishqiptare e Shkupit morri permasat e
ideologjise shtetformuese sidomos ne periudhen e
shperberjes se Federates jugosllave.
Kapercimi nga sistemi komunist ne sistemin e
demokracive parlamentare duhej te krijonte kushte
te favorshme per respektimin e diversitetit etnik
ne perputhje me menyren se si shoqerite
demokratike u jepnin pergjegje problemeve
analogjike me tonat.
Ne vend te avancimit te atyre te drejtave qe
kishim me Kushtetuten e vitit 1974 dhe zbatimit te
tyre ne praktike ndodhi e kunderta. Fryma
antishqiptare do te institucionalizohet ne te
gjitha poret e jetes politike dhe shoqerore pas
krijimit te shtetit te pavarur te Maqedonise.
Kushtetuta e re definoi Maqedonine si shtet i
popullit maqedonas dhe u suprimuan te gjitha te
drejtat qe shqiptaret kishin me kushtetuten e
meparshme.
Si pasoje, dy mendime do te dominojne imagjinaten
shoqerore te maqedonasve.I pari, qe shqiptaret
duhet te dergohen ne « dhoma gazi » dhe mendimi i
dyte « me tolerant » se « shqiptaret ne Maqedoni
jane nje e keqe e nevojshme e dhene nga Zoti, si
fatkeqesi qe duhet te pranohet se nuk ke zgjidhje
tjeter » (per me shume rreth kesaj shih fjalimin
inaugurativ te Branko Cervenkovskit para
deputeteve te Parlamentit. http://www.aimpress.ch/dyn/dos/archive/data/2003/30509-dosa-01-03.htm
)
Ne vend te mobilizimit te gjithanshem te forcave
intelektuale dhe patriotike shqiptare per
ridefinimin e raporteve te shqiptareve dhe
maqedonasve ndodhi e kunderta : nje mobilizim
drejt funksioneve shteterore ! Kjo logjike do te
dominoje para dhe pas luftes se vitit 2001.
Marreveshja e Ohrit ka hyre ne vitin e 7 dhe po
shihen rezultatet : vrasje te reja, burgosje dhe
montime procesesh kunder shqiptareve, ndalim i
perdorimit te flamurit, diskriminim ne punesim dhe
ne çdo pore te jetes politike, ekonomike dhe
sociale.
Hakmarrje ?! Me shume se gjashte dekada rresht
ndaj shqiptareve eshte ushtruar dhune dhe terror.
« Hakmarrja » eshte nocion qe nuk ka lidhje me
kulturen demokratike. Nese hyjme dhe rezonojme me
logjiken e vjeter mund te konkludojme se hak nuk i
kemi askujte por ata na kane neve ! Gjerat duhet
te shihen ndryshe.
EPOKA E RE : Ju si BDSH nuk u pajtuat me cilesime
te tilla dhe kerkuat intervenim energjik te
institucioneve nderkombetare per t’i dhene fund
dhunes dhe diskriminimit te shqiptareve ne
Maqedoni.
Ku qendrojne dallimet dhe pse ndodhi keshtu ?
BARDHYL MAHMUTI : Krijimi i « Komisioneve
anketuese » eshte nje praktike qe shpesh eshte
perdorur ne te kaluaren per te mbuluar « krimet ».
Kerkesa per te « zbardhur » krimin shkon se bashku
me logjiken e moçme. Krimi nuk « zbardhet » por
ndriçohet !
Ne si parti jemi te vetedishem se lufta kunder
diskriminimit racor, kunder diskriminimit etnik,
kunder diskriminimit gjinor dhe kunder te gjitha
formave te diskriminimit kerkon nje angazhim
kolektiv te te gjithe demokrateve te mirfillte ne
bote. Kjo lufte politike per ngadhnjimin e
demokracise ne kete pjese te Evropes kalon ne
menyre te domosdoshme permes nje intervenimi
energjik te institucioneve demokratike
nderkombetare. Per kete arsye u jemi drejtuar disa
here dhe do t’ju drejtohemi pa nderprere te gjitha
institucioneve me peshe ne bote dhe do te kerkojme
nga demokratet kudo qofshin ata qe te ngrene zerin
kunder padrejtesive me te cilat ballafaqohen
shqiptaret ne Maqedoni, te bejne presion mbi
Shkupin per lirimin e civileve te pafajshem, per
rishikimin e te gjitha proceseve te montuara nga
politika, per krijimin e nje grupi hetues
nderkombetar dhe per ndeshkimin e fajtoreve te
masakres se Brodecit.
EPOKA E RE : Kush ishte i implikuar realisht ne
kete masaker?
BARDHYL MAHMUTI : Ne kemi terhequr vemendjen qysh
me heret se qarqet antishqiptare jane mobilizuar
si asnjehere me pare. Sidomos ne kohen kur
bisedimet per definimin e statusit politik te
Kosoves po perfundonin. Ne mesin e ketyre qarqeve
ne kemi denoncuar, permes komunikates se 27
tetorit, implikimet e drejtperdrejta te Beogradit
dhe te qarqeve anishqiptare ne Shkup.
Fatkeqesisht, Masakra e Brodecit nxorri ne shesh
implikime te shumta.
Edhe pse qe ne diten e pare te Masakres se
Brodecit, PDSH-ja, si pjese e koalicionit
qeveritar, tentoi te zbuse reakcionin e
shqiptareve per vrasjet e njerezve te pafajshem,
me arsyetim se « operacioni policor paraprakisht
eshte finalizuar edhe ne bashkepunim te koordinuar
me autoritetet kosovare » e verteta nuk mund te
fshihej. Ne Konferenca europiane "Udhekryqet e
Ballkanit", qe u zhvillua ne Bruksel, doli ne
shesh misteri i « forcave shumetnike » te
implikuara ne tragjedine e Brodecit.
Zevendeskryeministri serb Bozhidar Gjelic
konfirmoi bashkepunimin e shtetit serb me qeverine
e Shkupit ne “lufte kunder terrorizmit shqiptar”
ne Brodec.
EPOKA E RE : Kush nga “autoritetet kosovare” ka
mundur te bashkepunoje me autoritetet e Shkupit ne
Masakren e Brodecit?
BARDHYL MAHMUTI :
Diten qe i parapriu masakres se Brodecit ne
“Takimin e Petrol Kompanise” benin pjese disa
personalitete te skenes politike te Kosoves dhe
Maqedonise. Mirepo, mediatizimi i “ autoriteteve
kosovare” ishte teper i kujdesshem. Ne komunikatat
e publikuara ne faqen zyrtare te PDSH-se nuk
permenden fare as Kryeministri i Kosoves, z.
AgimÇeku, as Kryetari i PDSH-se, z. Menduh Thaçi e
as zv. Ministri i Puneve te Mbrendshme, z. Refet
Elmazi. Por, informacioni plasohet vetem si
marredhenje Prishtine – Shkup! Sipas PDSH-se
“Aksioni i se martes ne fshatrat e Malesise se
Sharrit eshte realizuar nje dite pasi gjenerali i
Sherbimit Policor te Kosoves, Sheremet Ahmeti
realizoi nje takim me Drejtorin e Byrose per
Siguri Publike, Lupço Todorovski.” (http://www.gurra-pdsh.org/
f.2)
Zbulimi i frontit te perbashket te Qeverise se
Maqedonise me ate te Serbise ne lufte kunder
shqiptareve vuri ne pozite te palakmueshme PDSH-se
dhe “ autoriteteve e implikuara kosovare”.
Reagimi i z. Çeku, nga cilesia e Kryeministrit ne
pritje te dorezimit te mandatit, irritoi te gjithe
ata qe e dijne realitetin e kesaj masakre. Ne
veçanti familjaret e njerezve te masakruar ndihen
te fyer tej mase.
Fjala publike barte me vete pergjegjesi
proporcionale me funkcionet qe kane njerezit ne
skenen publike. Une, permes dy letrave publike
kam kerkuar sqarime lidhur me shpifjet qe ai beri
ne adrese te viktimave te Brodecit.
EPOKA E RE : Ai nuk eshte pergjegjur deri tani. A
mendoni se me heshtje mund te heshten efektet e
deklarates se tij?
BARDHYL MAHMUTI : Te precizojme diçka. Ne kohen
kur ndodhi masakra e Brodecit Kosova ndodhej ne dy
procese shume te rendesishme per fatin e vendit:
bisedimet shtese per statusin politik dhe
zgjedhjet e 17 nentorit. Tani te dy proceset kane
perfunduar. Nese z. Çeku mendon se me dorzimin e
mandatit shkarkohet nga barra e sqarimit te
genjeshtarve dhe insinuatave ne adrese te
viktimave te Brodecit, mashtrohet rende. Ne do te
insistojme ne ndriçimin e plote te kesaj masakre
dhe te shohim edhe rolin e “ autoriteteve
kosovare”. Askush nuk ka te drejte dhe mandat te
implikoje Kosoven ne nje politike antishqiptare.
As me implikime te drejperdrejta as permes formave
perfide te arsyetimit te masakres. Ne do te
kerkojme nga forcat politike te Kosoves, nga
intelektualet e pavarur, nga mediat, nga
organizatat joqeveritare (sidomos ato te dalura
nga lufta), nga opinioni publik i Kosoves te
distancohen dhe te denojne implikimet e
“autoriteteve kosovare” ne Masakren e Brodecit.
EPOKA E RE : VMRO, LSDM; PDSH dhe BDI kane filluar
nje dialog per te gjetur zgjidhje per zyrtarizimin
e gjuhes shqipe, statusit te luftetareve te UÇK-se
etj. Kete dialogun e keni cilesuar si rezultat te
presioneve te jashtme. A mendoni se mungon
vullneti politik per nje dialog te tille dhe se
gjithmone ka nevoje per influence te jashme?
BARDHYL MAHMUTI : Po. E kam cilesuar si te tille
dhe ky dialog ndodh pikerisht nga presionet e
jashme. Nese marrim per baze faktet se strategjia
e zgjerimit te BE-se dhe NATO-s realizohet ne
perputhje me nje agjende precize qe nuk varet nga
dinamika e punes se parlamentit te Maqedonise, apo
ndonje vendi tjeter kandidat per antarsim, do te
shohim se gjerat jane ndryshe. Duke u afruar afati
i « marrjes » apo « refuzimit » eventual te
ftesave nga njera ane dhe puneve qe kane mbetur pa
bere, nga ana tjeter, personalitete me peshe ne
marredheniet nderkombetare, qe ia duan te miren
Maqedonise, kerkuan, qe pa humbur kohe, t’i
permbush te gjitha kushtet e parapara per integrim
ne BE dhe NATO. Ne kete kontekst duhet te shihet
iniciativa per nje « dialog » « pozite/opozite »
per gjetjen e zgjidhjeve te mundshme per problemet
e akumuluara. Mjafton qe te permbyset perspektiva
dhe te shtrohet pyetja se a do te kishim kete
« dialog » nese koha e Samitit te NATO-s nuk
afrohej. Mendoj se pergjigja negative nenkuptohet.
EPOKA E RE : Megjithate, sa jane shanset qe te
sillen vendime pozitive per keto çeshtje?
BARDHYL MAHMUTI : Lexuesit e shtypit ne Kosove
kane qene te preokupuar me tema qe lidheshin me
fatin e Kosoves dhe te ralle mund te jene ata qe
kane pasur mundesi te ndjekin zhvillimet ne
Parlamentin e Maqedonise. Po sjell per ata lexues
te “Epokes se Re” qe nuk kane pasur mundesi te
njoftohen se ne diten kur Parlamenti i Maqedonise
shqyrtonte Rezoluten e Parlamentit Evropian te
dates 12 korrik 2007 dhe kushtet qe ky shtet duhej
te plotesonte per anetaresim ne BE, nga foltorja
e parlamentit te Maqedonise, Kryeministri Gruevski
shpalosi strategjine e kthimit te proceseve ne
gjendjen e para Marreveshjes se Ohrit. Ai shprehu
haptazi qendrimin se nuk do te lejoje qe gjuha
shqipe te jete gjuhe zyrtare e Maqedonise,
irronizoi ne kulm çeshtjen e luftetareve te UÇK-se
dhe kritikoi ashper LSDM-ne per gjoja « leshimet
qe ka bere ndaj shqiptareve » !!! Po ai
kryeminister qe provokoi shqiptaret ne menyre me
arrogante te mundeshme duke i tallur se “mund te
shohin enderr zyrtarizimin e gjuhes shqipe”, ne
Konferencen e 19 dhjetor te ketij viti, kur
Ministri i shendetesise, z. I. Selmani foli shqip,
se bashku me ministrat tjere joshqiptare te
qeverise e leshoi sallen e Konferences. Ai sot
udheheq kete dialog politik!!!
Duke pasur parasyshe kete fryme politike dhe
pervojat e deritanishme, bisedimet aktuale i shoh
me skepticizem. Sa here qe autoritetet politike te
Shkupit ndodhen perballe presioneve te caktuara
“pranojne” te mirtojne vendime te ndryshme qe me
vone, ne kontekste me te “favorshme per ta”,
permes Gjykates Kushtetuese, i shpallin si vendime
antikushtetutare dhe i abrogojne. Rasti i fundit
eshte ai i abrogimit te neneve per perdorimin e
flamurit kombetar shqiptar. Pra, ne kete kontekst
edhe « miratimi» eventual i disa vendimeve nuk do
te thote dalje nga logjika antishqiptare. Nese « miratohet »
diçka atehere behet sa per sy e faqe dhe ne
funksion te realizimit te objektivave euro-atlantike
te Maqedonise. Pa nderrimin e logjikes, « miratimi »
i vendimeve te caktuara nuk do te kete kurfarre
garance. Sapo t’i realizojne qellimet e veta,
Gjykata Kushtetutare do t’i shpalle si
antikushtetuese dhe do t’i abrogoje ne rrethana
kur atyre u duken te pershtatshme.
Bartesit e partive politike dhe institucioneve
shteterore te Maqedoni i karakterizon nje paradoks
suis generis: nga njera ane nuk pushojne se
kerkuari ne nivel supranacional te jene pjese e
Bashkimit Evropian, si nje superstrukture e
shteteve ekzistuese ku do te ruanin specifikat e
veta, ndersa nga ana tjeter refuzojne te
respektojne specifikat e shqiptareve ne nivel
intranacional.
EPOKA E RE : Si te dilet nga kjo situate?
BARDHYL MAHMUTI : Daljen e Maqedonise nga kjo
situate e shoh vetem permes hapjes se nje procesi
te gjithanshem, qe do te na mundesonte te dilnim
nga spiralja e dhunes dhe te aderonim ne vlerat
euro-amerikane. Per kete kerkohet nje angazhim dhe
ndihme e forcave demokratike nderkombetar perballe
tendencave totalitare qe sundojne ne vend. Qe te
kete sukses nje akcion i tille, krijimi i
parakushteve eshte i domosdoshem. Ne listen e
parakushteve te hapjes se procesit te aderimit te
vendit ne vlerat dhe institucionet euro-atlantike
jane: lirimi i menjehershem i civileve te
pafajshem te Brodecit; rishqyrtimi i te gjitha
proceseve te montuara nga autoritetet politike te
njepasnjeshme te Shkupit; te krijohet nje komision
nderkombetar per te hetuar krimin policor ne
fshatin Brodec dhe te mirren masat nderkombetare
per ndeshkimin e fajtoreve.
EPOKA E RE : Sa ka gadishmeri per nje gje te tille?
BARDHYL MAHMUTI : Pikerisht pse mungon vullneti
politik per te dale nga qasja me mentalitet
ballkanik, Bashkimi Demokratik Shqiptar kerkoi nga
te gjitha forcat demokratike ne bote, e sidomos
nga institucionet euro-atlantike, qe te
organizohet nje Konference nderkombetare per
Maqedonine, me te gjithe akteret vendor dhe
rajonal te implikuar, per t’u dhene fund
mosmareveshjeve.
EPOKA E RE : Me 10 dhjetor, ne diten nderkombetare
te te drejtave te njeriut, ju organizuat nje
Konference per mediat te titulluar « Maqedonia
destabilizon Ballkanin ». Pse pikerisht kete dite ?
BARDHYL MAHMUTI :Rastesisht kjo date perkonte me
perfundimin e bisedimeve lidhur me statusin
politik te Kosoves. Mediat fokusonin vemendjen ne
nje pseudoproblem. Duke shtruar pyetjen se a e
destabilizon Kosova Maqedonine lehej te
nenkuptohej se Maqedonia na qenka stabile dhe se
rreziku i vjen nga jashte ! Ne kete konference dhe
permes raporteve qe ua drejtova institucioneve
nderkombetare solla argumentet e mjaftueshme se
Maqedonia eshte tejet e destabilizuar per shkak te
politikes antishqiptare qe ndjek dhe se kjo
logjike e funksionimit destabilizon edhe rajonin.
Per kete arsye kerkova nga te gjithe akteret e
skenes politike nderkombetare, qe jane te
interesuara per stabilizimin e kesaj pjese te
Evropes, te bejne presion mbi autoritetet e
Shkupit qe t’i jep fund politikes antishqiptare.
EPOKA E RE : Si e shihni Kosoven pas fitores se
PDK-se ne zgjedhjet e 17 nentorit?
BARDHYL MAHMUTI : eshte interesant fakti se
fillimi dhe perfundimi i procesit te definimit te
statusit politik te Kosoves perkon me ardhjen e
z.Thaçit ne krye te institucioneve te Kosoves. Ne
fillim te procesit, ne vitin 1999, si arkitekt i
UÇK-se dhe udheheqes i Drejtorise Politike te saj,
z. Thaçi arriti te udheheq delegacion e Kosoves ne
bisedimet e Rambujese. Mjeshtria e udheheqjes se
ketyre bisedimeve, qe ishte ne perputhje me
profesionalizmin e shkolles politike perendimore,
solli perfundimin e tyre me nje deshtim te plote
te pales serbe. Pas deshtimit te plote te pales
serbe ne rrafshin diplomatik dhe bllokimit te
njeanshem te procesit nga pala ruse, u krijua nje
realitet i ri: bombardimi i Serbise, ardhja e
NATO-s dhe prezenca e institucioneve demokratike
perendimore ne Kosove dhe regjion.
Tani, kur ndodhemi ne fund te procesit, sa i
perket dinamikes nderkombetare, ndodhemi para nje
situate te ngjashme. Rusia, per shume motive, ka
bllokuar njeanshem procesin. Ardhja e z. Thaçi ne
krye te institucioneve te Kosoves ishte shpresa e
vetme.
Si kuader i shkolluar ne Evrope, i rrethuar me
njerez te deshmuar si ne rrafshin kombetar ashtu
edhe ne ate profesional, z. Thaçi do te perdore
tere potencialin e vet per te zhbllokuar kete
situate.
Kam bindjen e plote se akritekti i luftes dhe i
politikes moderne ne Kosove ka te projektuar
rrugen qe Kosoven e pavarur ta integroje ne
institucionet euro-atlantike.
Komentoni ne Forum te Mr Bardhyl Mahmutit |
|
|
| |
|
