REAGIM

Bardhyl Mahmuti demanton se do të jetë në krye të PND-së

Bardhyl Mahmuti duke demantuar se do të jetë në krye të PND-së ka bërë të ditur se së shpejti do t’i drejtohet opinionit shqiptarë në Maqedoni lidhur me përfoljet e fundit rreth angazhimi të tij politik. “Së shpejti do të dal me qëndrimin tim “, ka deklaruar shkurt për “Koha Ditore”, Bardhyl Mahmuti, i cili aktualisht ndodhet në Zvicër

Shkup,28 Qershor- Aktivisti i ish- Lëvizjes Popullore të Kosovës (LPK) dhe ish- ministri i punëve të jashtme në Qverinë e përkohshme të Kosovës, Bardhyl Mahmuti me një prononcim të shkurtë për “Koha Ditore” ka demantuar se do të jetë në krye të Partisë Nacional Demokratike (PND) duke thënë se së shpejti në opinion do të del me një qëndrim rreth angazhimit të tij politik në Maqdoni. “së shpejti do të dal me qëndrimin tim dhe kam kërkuar nga zëdhënësi i PND-së që të demantoj informacionoin se unë do të jem në krye të kësaj partie”, ka deklaruar shkurt për “Koha ditore” , Bardhyl Mahmuti, i cili aktualisht ndodhet në Zvicër, duke përfunduar doktoraturën në një nga universitetet prestigjioze Zvicëriane. Ky reagim i Mahmutit erdhi pasi disa media paraprakisht informuan se ai do të jetë kryetarë i Partisë Nacional Demokratike, kongresi i të cilës pritet të mbahet afër shtatorit.

Ish-zëdhënsi politik i Ushtrisë Clirimtare të Kosovës për diasporën ka pohuar se do të prononcohet edhe lidhur me disa akuza që u transmeatuan përmes mediave nga ana e zyrtarëve të Bashkimit Demokratik për Indegrim (BDI) se Mahmuti është “person i dëshpëruar politikisht”.

“Po kam dëgjuar për këtë, do të prononcohem së shpejti rreth gjithë kësaj”, ka përfunduar Mahmuti.

Ndryshe, Bardhyl Mahmuti është nga Tetova dhe një kohë të gjatë të veprimtarisë ia ka kushtuar veprimatrisë atdhetare, ndërsa në prag të zgjedhjeve të shkuara lokale, siç është shprehuar ai ka mohuar kandidaturën e BDI-së që të jetë kandidat për kryatar të Komunës të Tetovës.

Nryshe mediat maqedonase duke paralajmëruar angazhimin e Mahmutit në krye të PND-së e cila para disa dite përmes zëdhënësit të vetë shpalosi platformën.

Polatforma e PND-së përbëhet nga disa shtylla ku sipas zëdhënësit Mesut Shabani, në rend të parë është aspekti ekonomik konkretisht zbutja e papunësisë në Maqedoninë Perëndimore, ngritja e statusit të shqiptarëve dhe lufta kundër korrupcionit dhe nepotizmit, ndërsa subjekti do të ketë orientim politik djathtist.

“Nga partitë e tjera politike do të na dallojë transparenca, konkurrenca reale e opinioneve politike, tendenca e demokratizimit të shoqërisë duke eliminuar shkaqet e korrupcionit dhe nepotizmit, kurse qëllimet tona nuk do të jenë as revamshizmit as marrja e pushtetit me dhunë por vetëdijësimi i popullit që vet ta ketë fatin e tij në duar dhe grupacionet e vogla që manevrojnë me verdiktin e tij”, ka deklaruar zëdhënësi i PND-së Mesut Shabani.

Mediat maqedonase kanë shkruar se Mahmuti edhe pse dikur ka qenë bashkëpunëtorë i Ali Ahmetit, ka vendosur që t’i kundërvihet në skenaën politike të vendit, sepse ështe i pakënaqur me statusin e shqipëtarëve në Maqdoni përkundër luftës së 2001.

“Kjo është sindrom i individëve të dështuar të cilët nuk kanë mundur të gjenden në poste të larta politike në partitë ekzistuese shqiptare” ka transmetuar TV A1, qëndrimin e BDI-së lidhur me informatat se Mahmuti do të angazhohet politikisht në Maqdoni.

29/06/2005 17:01:48