Partia Demokratike Shqiptare në hotel “Liraku” në Tetovë organizoi nje koktej rasti me antarët dhe simpatizantët ku të pranishëm ishin kreu i PDSH-së kryetari z.Arbën Xhaferi, zëvendëskryetari z.Menduh Thaçi, Bardhyl Mahmuti dhe funksionarë të tjerë të PDSH-së. Supriza e mbrëmjes ishin mysafirët nga Kosova, Jakup Krasniqi sekretarë i Partisë Demokratike të Kosovës, Fatmir Limaj, Gjeneral Sami Llushtaku, ish antrët e grupit politik për diplomaci pranë Ushtrisë Çlirimtare të Kosovës Sabri Kiçmari dhe Ramadan Avdiu, deputeti i Parlamentit të Kosovës Bajrush Xhemajli dhe të tjerë .Në fillim të pranishmit i përshendeti kryetari i PDSH-së z.Arbën Xhaferi i cili pasi i përshëndeti mysafirët dhe të praninishmit tha:” Që në fillim dëshiroj të theksoj se jam në hall për shkak se deri më tani duheshte të duroj tempon që e impononte z.Menduh Thaçi kurse tani duhet të duroj edhe një tempo të fortë që e imponon z.Bardhyl Mahmuti, kështu që partia jonë tani punon 24 orë në ditë”.

Më pas fjalën e mori Jakup Krasniqi sekretarë i Partisë Demokratike të Kosovës, i cili tha:” Të nderuar bashkombas, kam nderin që t’u përshëndes në emër të Partisë Demokratike të Kosovës, të përshëndes kryetarin edhe zëvendëskryetarin e PDSH-së dhe antarët dhe simpatizantët e saj. Ne sonte ndjehemi të privilegjuar për shumë arsye, parasëgjithash edhe ndjehem krenarë edhe na vjen keq që Bardhyl Mahmuti shoku ynë i idealit, luftës dhe angazhimeve politike për demokraci dhe prosperitet të të gjithë shqiptarëve kudo që janë, e kishim shok të idealit, shok të politikës dhe të veprimtarisë në Partinë Demokratike të Kosovës dhe për këtë po na vjen keq që po na lë neve, por po na vjen mirë që po i bashkangjitet Partisë Demokratike Shqiptare me energji të reja për ti dhënë forcë edhe intelektuale edhe poltike për realizimin e aspiratave të qytetarëve shqiptarë të maqedonisë. Ne kemi bindjen se shoku ynë Bardhyl Mahmuti do ti jep forcë dhe energji të re jo vetëm Partisë Demokratike Shqiptare por të gjithë proceseve demokratike që janë duke u zhvilluar këtu.
Kështu që Bardhylit, kryetarit z.Arbën Xhaferi, zëvendëskryetarit z.Menduh Thaçi dhe të gjithë juve ju dëshirojme fat, suksese në të ardhmen dhe suksese gjithë shqiptarëve kudo që janë.

Fatmir Limaj në fjalën e tij tha:”Kam kënaqësinë që sot gjindem këtu pasi që siç dihet një kohë të gjatë nuk kam pasur mundësi të vij. Dua ta nisi fjalën time aty ku e la zoti Xhaferi, është e vërtetë zoti Xhaferi që nuk do ta keshë lehtë me Bardhylin dhe Menduhin por edhe këto nuk do ta kenë të vështirë nëqoftëse e përcjellin mendimin dhe veprimin tënd politik. Sot padyshim është një moment i rëndësishëm për subjektin tuaj politik për arsye se sot po ju bashkohet një njeri i cili eshtë i shkolluar dhe i pregaditur në shkollën më moderne politike në ate perendimore, njeri i dëshmuar në të gjitha periudhat më të rrëndësishme të historisë kombëtare, në përiudhat më të vështira dhe mendoj se nuk ka nevojë që të flitet për biografinë politike, kombëtare të Bardhyl Mahmutit, i urojmë suksese atij dhe Partisë Demokratike Shqiptare për të realizuar vizionin e saj politik dhe synimet që i kanë shqiptarët në maqedoni për të qenë të barabartë me të gjithjë popujt tjerë këtu. Unë uroj që ky vizion kjo gadishmëri dhe ky vullnet politik të shfrytëzohet maksimalisht me qëllim që shqiptarët e maqedonisë t’a kenë dita ditës më mirë dhe t’i realizojnë interesat dhe synimet kombëtare. Urime juve simpatizantë dhe antarë të PDSH-së që sot në kuadër të reshtimit tuaj politik po bashkohet një njeri, i cili unë jam i bindur do të gjejë rrugën e veprimit politik, dhe ju do të jeni ata që do ta mbështeteni dhe do ta përkrahni në vizionin e tij politik. Urime edhe një herë të gjithëve”.

Më pas fjalën e mori Sabri Kiçmari ish antrë i grupit politik për diplomaci pranë Ushtrisë Çlirimtare të Kosovës, i cili tha:” Ju përshëndes të gjithëve në mënyrë të veçantë Bardhyl Mahmutin. Zoti kryetar, është një kënaqësi e veçantë që gjendem sontë këtu në këtë solemnitet me rastin e angazhimit në PDSH, të mikut tim, shokut tim, me të cilin jam njohur për herë të parë në vitin 1988 në një bazë studentësh në banesën e Fadil Vatës. Që nga ajo kohë kemi lëvizur shpesh dhe shumë bashkë. Kemi lëvizur që nga Divjaka, një fshat në malësi e deri ne Bruksel. Jam i bindur zoti Kryetar se e njoh dinamikën me të cilën punon Bardhyl Mahmuti me atë dinamikë do të karakterizohet edhe në ditët, javët, muajt dhe vitët e ardhëshme në të mirë të çështjes së shqiptarëve në Maqedoni, dhe sidomos në të mire të integrimeve mbarëkombëtare shqiptare.
Jam i autorizuar nga Rustem Mustafa i njohur si Komandant Remi, të përcjellë një telegram urimi të cilin po ua lexoj: