S'KA INTEGRIM NE TOKEN TENDE, KA SHTET...

Maqedonia për shqiptarët është shtet jo demokratik dhe ilegjitim

Zhvendosjet e individëve, madje edhe e grupeve të caktuara njerëzish, nga një vënd në vëndin tjetër ka karakterizuar njerzim që nga parahistoria. Ky fenomen morri përmasa shumë më të mëdha gjatë revolucionit industrial për të arritur kulmin në gjysmën e dytë të shekullit XX.
Të ballafaquar me vlerat dhe normat e shoqërive « mikpritëse » të huajt nuk kishin rrugë tjetër pos asimilimit apo getoizimit. Përballë këtyre problemeve,  shtetet e demokracive perëndimore u shtrënguan të përpilojnë një politikë të caktuar në përputhje me specifikat e veta. Në këtë kontekst të debateve lidhur me vendin e « të huajve » në shoqëritë « mikpritëse » lindi nocioni « integrim ».
Ky nocion në politikë lidhet vetëm me politikën e shtetit ndaj « të hujave ». Ndërsa, sa i përket diversitetit etnik të shoqërive shtetet perëndimore kanë marrë formën adekuate (federatë/konfederatë) të organizimit politik. Disa aspekte të kësaj teme i kam trajtuar në intervistën ekskluzive dhënë gazetës « Faktit » të datës 4 maj 2006, që lexuesi mund ta gjejë në faqen zyrtare të PDSh-së, www.gurra-pdsh.org
Rikujtimi i nocioneve të lartëpërmendura u nxit nga arroganca e liderit të BDI-së, z. Ali Ahmeti, i cili, në intervistën për « RTV21 » të Kosovës deklaroi se « Ardhmeria e Maqedonise eshte ne integrimin e plote te shqiptareve“ (Kjo deklaratë, si qëndrim zyrtar i partisë, u botua edhe në faqen zyrtare të BDI-së, www.bdi.org.mk të datës 5 maj2006).
Përdorimi i nocionit “integrim” për shqiptarët në shtetin e Maqedonisë është anti-historik dhe anti-shqiptar. Historianët e mirfilltë e din fare mirë se shqiptarët nuk janë “imigrant” në këtë shtet dhe as “të huaj”. Ata janë banorët më autokton të këtij vendi dhe të drejtat e tyre duhet të zgjidhen në mënyrë analogjike siq i kanë zgjedhur shtetet e demokracive perëndimore problemet e diversitetit etnik. Shqiptarët e Shqipërisë, Kosovës, Maqedonisë etj. mund të “integrohen” në SHBA, Kanada, shtetet e Evropës perëndimore etj. sepse atje kanë emigruar dhe janë “të huaj” e jo në vendet dhe trojet e veta ku janë autokton. Shqiptarët e Shqipërisë,Kosovës, Maqedonisë....mund të aspirojnë të integrohen në strukturat politike të Bashkimit Evropian dhe në ato ushtarake të NATO-s duke pranuar vlerat, normat dhe standardet e këtyre strukturave. Por në vendin e vet atyre duhet t’u respektohen vlerat, normat dhe standardet e tyre.
Deklarata e z. Ahmeti për integrimin e plotë të shqiptarëve në Maqedoni sado anti-historike dhe anti-shqiptare që është ajo nuk është absurde! Deklarata është plotësisht logjike me logjikën e udhëheqësve të BDI-së!Ata tregojnë fytyrën e vërtetë!
Që të sqarohet kjo logjikë na duhet të rikujtojmë disa ngjarje të kaluarës së afërt.   
Te ata që nuk njihnin udhëheqësit e UÇK-së, shpërthimi i luftës së armatosur ngjalli shpresa se diskriminimit të shqiptarëve në Maqedonisë do t’i vinte fundi. Duke qëndruar të fshehur në Kosovë dhe jashtë kontakteve me popullin dhe me ushtarët e lirisë, udhëheqësit e UÇK-së krijuan një frymë misterioze rreth personaliteteve që i kishin ngarkuar vetes detyrë të realizojnë një aspiratë shekullore.
Mirëpo, si zkakonisht, misterioziteti rreth personaliteteve nuk mund të zgjas shumë. Dalja në sferën publike, ku rregullat e lojës janë të ndryshme nga ato që e karakterizojnë klandestinitetin, paraqet fillimin e demistifikimit.
Demistifikimi i parë i udhëheqësve të UÇK-së u bë me shpalljen e Platformës politike. Siq e kam theksuar në intervistë e lartëpërmendur, bërja publike e qëllimit për ruajtjen e integritetit dhe sovranitetit të shtetit unitarist maqedonas bëri absurde qëllimin e luftës: « çlirimtarë që nuk cenojnë sovranitetin dhe integritetin e shtetit unitarist !!!»
Absurditeti i udhëheqësve të UÇK-së qëndron vetëm në këtë pikë. Pas shpalljes së Platformës politike çdo veprim i tyre është logjik dhe në përputhje të plotë me synimet « anti-çlirimtare ».
Braktisja e synimeve çlirimtare bëhet edhe më transparente pas krijimit të Bashkimit Demokratik për Integrim.
Duke vendosur hapur në emërtimin e kësaj force politike nocionin « integrim » udhëheqësit e kësaj partie zhveshën karakterin e vet anti-historik dhe anti-shqiptar. Ata i konsiderojnë shqiptarët « si të huaj » që na u dashka t’i « integrojnë » në vlerat, normat dhe standardet e shtetit Maqedonas! Prandaj nuk duhet të çuditemi me deklaratat e z. Ahmeti, sado arrogante dhe sado fyese që janë për shqiptarët ! Ai tregon haptazi se ku dëshiron t’i shohë shqiptarët.
Nuk duhet të çuditemi që sebët janë të gatshëm të votojnë për këtë parti politike sepse ata janë të udhëzuar drejtë nga qarqet antishqiptare që u konvenon të mbështetet një parti, që pretendon se është shqiptare, dhe që mendon se shqiptarët janë « të huaj » në Maqedoni. Aspak nuk duhet të habitemi që kjo parti kërkon mbështetje në Maqedoninë Lindore në kohën kur shqiptarët masovikisht braktisin radhët e saj. Nuk duhet të na habisë fakti se BDI-ja mund të gjejë mbështetje jashtë shqiptarëve sepse qarqet antishqiptare orientojnë elektoratin për të pasur partner një parti pseudoshqiptare si BDI-ja.Sepse me ta më së miri bëhet pazari me % për të integruar shqiptarët në Maqedoni.
Jemi në një fazë vendimtare. Me 5 korrik populli do t’u jep mandat përfaqësuesve të vet. Nuk mund ta dimë me saktësi se sa serb dhe maqedonas do t’ua japin votat BDI-së. Atë që mund ta themi me siguri është fakti se asnjë shqiptar që e konsideron veten autokton dhe nuk pranon të konsiderohet dhe trajtohet si i huaj në tokën e vet nuk do të votojë për BDI-në.
Të vetëdishëm për rrezikun që u kanoset shqiptarëve nga BDI-ja atdhetarët e mirfilltë, intelektualët e dëshmuar dhe profesionistët e të gjitha lamive janë duke u rreshtuar përreth PDSH-së si shpresë e vetme për të realitzuar të drejtat e ligjshme të shqiptarëve në Maqedoni.
Me guximin intelektual dhe me aftësitë profesionale që ka në gjirin e vet Partia Demokratike Shqiptare është garancë e vetme se më askush nuk mund t’i nëpërkëmbë të drejtat e shqiptarëve.

NESE DONI TE KOMENTONI POLITIKEN E INTEGRIMIT TE ALI AHMETIT, ATEHERE JU DUHET TE KLIKONI KETU....!