SHKUPI NJE QYTET ME SHUME MINARE

MAQEDONASIT MOHOJNE EKZISTIMIN E MBI 120 XHAMIVE NE SHKUP

Sipas vizatimit të një piktori holandez Shkupi në shekullin XVI-të ka pasur 120 xhami, por Bllagica Tërpkova e vë në dyshim ekzistimin e një numri kaq të madh të xhamive.

Në Muzeun e Qytetit të Shkupit ndodhet një vizatim që daton qysh nga shekulli i XVI, i bërë nga një piktor holandez. Në vizatim shumë qartë shihet pamja e Shkupit dhe minaret e shumta që kanë egzistuar që nga shekulli i XV.

Bllagica Tërpkovska, e cila më parë ka punuar edhe si udhëheqëse dhe rrëfyese e objekteve që ndodhen në Muzeun e Qytetit, thotë se ky vizatim është punuar duke u bazuar në rrëfime dhe me siguri piktori holandez e ka vizatuar kur ka qenë në ndonjë vend tjetër.

“Xhami pa dyshim se ka pasur në Shkup, mirëpo pyetja është se a ka pasur kaq shumë xhami”- pyetet Tërpkovska.

Xhamitë ose më mirë mesxhidet, kanë qenë objektet e para dhe njëherit në numër më të madh të arkitekturës islame. Zakonisht themeluasit e xhamive kanë qenë qytetarë më të pasur, myslimanë të mëdhenj dhe qeverisës që i kanë ndërtuar si përshpirtje.

Shkupi, gjatë kohës së sundimit turk, është përballur me shumë katastrofa që në njërën apo tjetrën mënyrë kanë ndaluar ose ngadalsuar procesin e zhvillimit të tij. Termeti i rëndë në vitin 1555, luftat dhe djegjet e vitit 1689 gjatë tërheqjes së ushtrisë së Austrisë në krye me Pikolominin, zjarri në Çarshi në vitin 1908, vërshimet e mëdha të lumit Vardar kah fundi i shekullit XVIII dhe XIX si dhe termeti katastrofal i vitit 1963 kanë ndikuar zhdukjen e objekteve të shumta monumentale.

Sipas rrëfimeve të Evlija Çelebit në Shkup ka pasur mbi 120 xhami të mëdha dhe të vogla, mirëpo lutja e përbashkët e të premtes është falur në vetëm 45 xhami. Nga ky numër i madh i xhamive, që gjatë shekujve janë ndërtuar në Shkup, deri më tani janë ruajtur vetëm 21 xhami.

“Sa i përket asaj se a ka pasur apo jo shumë xhami në Shkup flasin dokumentet, flet vakëfnami dhe nuk duhet të bazohemi vetëm në thëniet dhe udhëpërshkrimet e Evlija Çelebiut, kemi njohuri se vetëm para Luftës së Dytë Botërore ka pasur 80 xhami “ -thotë Behixhudin Shehabi, historian i artit.

Numri i  madh i xhamive, monumentaliteti i tyre si dhe pasuria e zgjidhjeve arkitektonike, pa dyshim, flasin për zhvillimin e qytetit dhe domethënien që e ka pasur Shkupi, si njëra prej qendrave rumelike gjatë kohës së sundimit Osman. Të kota janë mohimet kur luajmë me fakte dhe letra të hapura.

Albanian Top Radio

VIDEO MUZIK SHQIP

ALBANIAN TOP RADIO DASHURIA IS THE FIRST ALBANIAN RADIO ON THE NET