Kerkoni Video Klipe Humor dhe materiale tjera ne Google AlbaNur!

POSTMORTUM 23 dhjetor 1989 – 9 dhjetor 2006

Kuvendi i Lidhjes Demkratike të Kosovës, dega ne Suedi, mbajtur ne Ängeholm, perveç qe zgjodhi drejtuesit e saj dhe caktojë delegatet per Kuvendin e pergjithshëm ne Prishtinë, ky Kuvend veç tjerash shqyrtoi edhe pikën e 16 të rendit të ditës, e cila kishte të bënte me punën dhe raportin e komisionit për raste të jashtëzakonsme. Ky fond është themeluar me 4 prill të vitit 1997, në bazë të nenit 56 të Kushtetutës se Republikës se Kosovës, duke u mbështetur nga Dega e LDK-së në Suedi, Zyra e Rebublikës së Kosovës në Suedi si dhe subjekte tjera politike të organizura ne Suedi.

Rrethanat e krijuara dhe deklarimet e personave, qe nuk janë përgjegjës për këtë Fond të çojnë pak ne huti. Duke mos arritur për të gjetur përfundime, vendosa të jap saqrimet e individëve me shpresë se ju lexues të dashur do të arrini për ta gjetur fillin! Lexojeni, pra!

Zeqir Thaqi, kryetar i fondit për raste të jashtzakonshme thotë: "Fondi ka rregulloren dhe anëtarësinë e vet, andaj fondi i raporton vetëm Kyesisë së vet dhe asgjë nuk na obligon që t´u raportojmë partive politike. Po e theksoj edhe në herë "nuk na obligon"!!, sepse në rrethana tjera ne jemi të hapur për të raportuar edhe para njerëzve të thjeshtë. Prandaj kërkesa e LDK- së për të raportuar në Kuvendin e saj më duket i pakuptimtë". Z. Thaçi, kryetar në vazhdim shtoi:"Fondi është krijuar për heqjen e shpenzimeve për transportimin e kufomave të bashkatdhetareve tonë për në atdhe e që kanë jetuar ne Suedi. Secil anëtar që paguan anëtarësinë, pa marrë parasysh bindjet politike, e gëzon përkrahjen nga fondi".

Ndryshe mendon kryetari i degës së LDK- së për Suedi, Hisen Ibrahimi. Ai për gazetën "AlbaNur" u shpreh: "Me z. Zeqir Thaqi kemi vite që bashkëpunojmë, madje së bashku ishim themelues të shumë degëve të LDK- së dhe shumë aktivitete te tjera. Nuk dyshoj në punën e tij, por për mos raportimin i tij në Kuvend ka ndodhur edhe shkarkimi".

I pyetur nga "AlbaNur" se sa keni të drejtë të bëni një gjë të tillë dhe ku bazoheni në vendimin tuja, ai shtoi: "Komisioni për raste të jashtëzakonshme duhet të raportojë në Kuvendin e LDK - së. Edhe pse ishin të ftuar të raportojnë Zeqir Thaçi dhe Fejzë Halimi, ata nuk iu përgjigjen ftesës, për këtë arsye ndodhi edhe zëvendësimi i tyre duke autorizuar antarë të rinj të komisonit për tërheqejne e mjeteve nga kryesia e vjetër. Nese kryesia e vjetër nuk del me nje raport dhe nuk pranon, atëhere këtë kontest me siguri pritet ta zgjidhë gjykata, e cila do të vendos se kush ka të drejtë", sqaroi për "AlbaNurin", numri një i LDK- së për Suedi, Hisen Ibrahimi.

Në procesverbalin e mbajtur në Kuvendin e Lidhjes Demkratike të Kosovës, dega në Suedi, mbajtur nga procesmbajtësi Osman Ahmetxhekaj thuhet: "Pas shumë përpjekjeve me telefon dhe dy shkresave të dërgura me shkrim nga kryetari Avdyl Uka dhe anëtarët e komisonit mbikqyrës, Rraman Rrahmani dhe Sinan Hasani, për të caktuar një kohë për revizionimin e mjeteve në Fond, me zotin Zeqir Thaçin, kryetar dhe me anëtarët e kryesisë së këtij komisioni, të gjitha përpjektet ishin të paskukseshme. Pastaj krytari i komisonit, Zeqir Thaçi duke mos iu përgjigjur komsionit mbikëqyrës dhe duke mos thirrur asnjë mbledhje të komisionit, anëtarësia filloi të bjerë në mënyrë drastike. Duke marrë parasysh këto vërejtje, Kuvendi vendosi unanimisht shkarkimin e tërë komisionit dhe të zgjedhë një komision te ri. Në këtë Kuvend, me 58 vota "për" me vota unanime u zgjodh edhe Kryesia e re", poashtu jepet dhe një deklaratë në të cilen thuhet: "Kuvendi nuk dyshon aspak në keqpërdorimin eventual të mjeteve por kërkon të zbatohen procedurat për pranim - dorëzimin e mjeteve".

Ndërsa Tahir Kuqi, anëtar i Fondit (ish kryetar Kuvendit të Deçanit) shprehet se është shumë i brengosur që individë të caktuar për intersa politike prekin në pika shumë të nxehta edhe ky fond ju ka mbetur dhe këtu tentojnë të prekin. Është turp për ata të cilët diskutojnë për gjera të tilla. Jam shumë i kënaqur me punën e fondit ne krye me z. Zeqir Thaqi dhe besoj se vetëm anëtarësia ka të drejtë të kërkojë raporte dhe asnjë subjekt tjetër politik apo apoltik, shprehet Kuqi për "Express".

Edhe ish shefi i Zyres së Rebublikës se Kosovës Shaqir Shaqiri sqaron se " Ne ishim përkrahes të themelimit te nje fondi te tille dhe e kemi mbeshtet se bashku me degen e LDK- se si dhe te gjitha subjektet tjera, por nuk do te thotë që fondi i perket nje subjekti politik, andaj ky veprim qyqar i personave te caktuar shkakton me shume perçarje ne mesin e bashkatdhetarëve shqiptarë dhe shpresoj se disa zotërinj kanë trokitur ne deren e gabuar andaj duhet treguar zotrinjeve qe të shikojne para vehtës para se te dalin për të plaçkitur diku tjetër" shpreht i habitur Shaqir Shaqiri.

Ngjajshem me keta persona shrehen dhe Muahrrem Nura nga Geteborgu dhe Zeqir Mehmeti nga Halmstadi anetar të fondit, të cilët shprehen:"Për mjetet e Fondit dhe destinimin e tyre flasim vetë ne antarsia andaj keto problem do t’i dskutojme ne kuvendin te ciln do ta mbajme në nentor.

Zoti Thaqi kryetar legjitim i Fondit i cili perkrahet nga anetarsia tregon se kjo nuk është përpjekaj e parë e tyre për te nderhyre në fondet të tjera. Para nje viti, pra në vitin 2005 dega e LDK -së, Suedi tentoj të marr për nevoja të veta diku rreth 90 -100 mije euro te mbetura nga fondi i 3% te cilët arsytetimin e tyre e bënë duke potencuar se na duhen mjetet për të hapur një zyre të LDK-së në Suedi dhe botimin e disa librave, mirëpo pergjegjes per keto mjete ishim ne se bashku me Muhamet Shatrin dhe Fejzë Halimin, duke mos lejuar qe këto mjete te përdoren për këtë qellim, mirëpo për destinimin e tyre nuk kam njohuri se çka ka ndodhur me vonë, sqaron Zeqir Thaçi.

Se si do te perfundoje ky konflikt mbetet te shihet në fund të muajt nëntor kur Zeqir Thaqi e ka thirrur Kuvendin e Fondit per raste te jashtezakonshme për te diskutuar me anetarsine lidhur me agresonin e bere nga dega e LDK- së apo vërtet edhe duhet të pregaditet për procedurë gjygjësore, të cilat i ka paraljmeruar dega e LDK- së për Suedi, atëherë do të dihet së "Kush është me i forti", gjithmonë me kuptimin e mirë për të dalë e vërteta në shesh.

NE I FTOJME SHQIPTARET NGA SKANDINAVIA TE NA SHKRUAJNE NE FORUMIN TONE DHE TE NA TREGOJNE PER PUNEN TONE NE ALBANUR DHE NESE KANE NDONJE SUGJERIM MUND TE NA E PARAQESIN ME SHKRIM NE FORUMIN VENDLINDJA!