Zgjedhjet Parlamentare 2006

Pas nje viti pushim, zagoria partiake e BDI-se, permes qatibit Petrit Menaj, perseri leshohet ne avanturen kunder Musa Lamallarit!

Zgjedhjet Lokale 2005

Të dashur miqë! Ju do të keni rast tani t'i keni në net disa shkrime që u botuan në gazetën Fakti me letrën e hapur të drejtuar nga Musa Lamallari kryetarit të BDI-së, Ali Ahmeti. Mbetet ju të vlersoni se a janë ka na shkojnë punët mbarë!

Analiza Politike

WEB FAQE FALAS

Jeni i angazhuar me biznis, keni firme dhe deshironi qe biznesi juaj te ze vend te merituar edhe ne internet, atehere Albanur ekziston per ju...Me reklamimin e juaj ne faqet tona, JU FITONI SHUME!

ADVERTISING AT ALBANUR

Advertising your business using the internet and the World Wide Web is not just about pretty pictures on a computer.

AlbaNur reaches the whole Albanian community throughout the world in real time.  Many of our visitors are from Europe & America, however there is growing traffic from our homeland in the Balkans as there become more internet users.  We strive to have the most up to date local and global issues important to Albanians, to ensure our continued success.  

E-Mail us at  TIM SHKUPI to find out how you can advertise your business at "AlbaNur".

ADVERTISING AT ALBANUR

If your choose to advertise in our site with a Top Page Banner or Centre Page Banner we will give you extra advertising in our top LINKS, which are visited the most 24 hours a day. Also we take care about our partners with special offers throughout the period of time they are with us.
E-Mail us to find out how you can advertise your business at "AlbaNur".

(Shkas prononcimi i Hashim Thaqit per konfliktin e vitit 2001 dhe zgjedhjet lokale ne Maqedoni)

I nderuar, lider Ali Ahmeti

E titullova këtë letër kështu dhe kam bindje të thellë se njerëzit që janë në politikë do të më kuptojnë drejtë, pavarësisht nga ajo se ju si do të më kuptoni. Me vetë faktin që ju shkruaj, ju drejtohem juve, tregoj se sa i “madh” jeni ju, ndersa sa i “vogël” jam unë. Ndaj nuk keni nevojë të prononcoheni askundi ne lidhje me ketë. Fundja, unë kam desht të jetoj dhe të jem shtetas britanez, por me të drejtë të mbaj edhe shtetësinë e Maqedonisë, nëse këte nuk ma merr ndonjë nga policët e partisë suaj. Por, jam thellë i bindur, se identitetin tim shqiptar, të menduarit shqip dhe reintegrimin e shqiptarëve në vlerat kombëtare, qofshin në politikë, ekonomi, kulturë, sport, etj., duke përjashtuar nga ky koncept integrimin “integralist” të ideologjisë suaj, askush nuk mund të ma marr, por jam edhe në gjendje ta mbrojë, jo për karrierë politike, jo për aleanca te rrejshme, jo për t’i dhënë jetë partneritetit iluzor në Maqedoni, qoftë LSDM apo VMRO. Mua, tek e fundit, nuk më duhet luftë të bëhem lider në Maqedoni, t’ua prishi rehatin fshatrave shqiptare, t’ua burgosi bijtë dhe bijat, por çka është edhe më dhimbshme, nuk më duhen dëshmorë për karrierën time politike në Maqedoni, përkundër asaj që unë në këtë letër prezentojë një reintegrim tjetër për shqiptar që ka mund edhe pa luftë të realizohet në Maqedoni.

Ju, i nderuar, lider Ali Ahmeti, e dini se kur ka veprime politike nga liderët në Kosovë dhe Shqipëri, gjithçka levizë në Maqedoni, trazohet çdo gjë, sikur kafshët dhe insektet kur lëvizin para momentit të termetit, pasi ata kanë një nuhatje shqisore më të përsosur se sa njerëzit. Jo rastësisht hazreti Sulejmani, mbreti i Judës, bisedon edhe me bubrrecin, pavarësisht sa i madh ka qenë me mbretëri dhe pushtet ky mbret i israilëve. Kjo lëvizje tregon diçka, paralajmeron një të vërtetë, por para se gjithash vet verpimi i juaj, ngurrimi për t’u kundërpërgjigjur deklaratave të Hashim Thaqit, qoftë kur ato mund të mirren edhe si këshilla, dëshmon se koncepti i juaj integralist në Maqedoni është vetëm pragmatizëm, pamflet i qenies me mentalitet defensive në politikë dhe pa bazë reale në proceset integruese globale në botë. Me nje fjalë: ju, i nderuar, z. Ali Ahmeti, jeni i varur nga faktorët politik në Kosovë dhe Shqipëri. D.m.th., edhe ju e pranoni me veprimet e juaja se nuk mund të ketë integrime parciale ngase logjika dhe ligjet e natyrës e dëshmojnë të kundërten. Por këto doktrina “humbje kohësh” janë qesharake kur u imponohen shqiptarëve në Maqedoni, pasi që ata natyralisht në proceset e reja kanë filluar të shijojnë frytete e një reintegrimi tjetër nga ky i juaji. Por, unë tani nuk dua në këtë letër të ju informoj më tepër për reintegrimin e shqiptarëve në të cilin besoj unë dhe shumë shqiptarë. Sa për hyrje, unë ju jap një shembull: shqiptarët si në Kosovë, Shqipëri, Maqedoni dhe anë e kënd botës kanë filluar reintegrimin e tyre si shqiptar ta shfaqin përmes mediave elektronike dhe internetit, përkunder asaj që pronarët e tyre kanë pengesa nga ujqtë e partisë suaj, ose kushtëzohen (blackmail) për ta pasur ndonjë integrist joshqipfolës në bord, që është në kundërshtim me logjiken e tregut dhe proceseve globalizuese. Këtë haraq më së shumti janë ka e paguajnë shqiptarët në Maqedoni… Për aspektin ekonomik do të ju shkruaj një herë tjetër, të ju tregoj se sa i madh jam unë, e sa i vogël jeni ju, nga fakti se mua nuk më janë dashtur fondet e shqiptarisë për të akomoduar oreksin e jetës sime, pasi jetoj prej djersës sime dhe jam krenar për punën që e bëj…

Eshtë fakt, zoteri Ali Ahmeti, se vizita dhe prononcimi i Hashim Thaqit në Shkup për konfliktin e vitit 2001 nxori në siperfaqe inatet dhe konspiracionet e interesave miskine të kampit politik shqiptarë në Maqedoni. Derisa opozita, siç është rasti me PDSH-në, që gjerat tani i sheh vetëm bardh dhe zi, nga inati i humbjes së pushtetit nga ju, u përpoqën kësaj vizite t’i japin konotacion politik në luftën partiake kundër jush, të tjerët ndryshe e kuptuan liderin e PDK-së Hashim Thaqi në Shkup. Ndërsa, ju, i nderuar, në vend që prononcimin e tij  t’a kuptoni ndryshe nga opozita, ndryshe nga të tjerët, të jeni autokritike, i përgjegjshëm dhe të kuptoni drejt mesazhin e demokracisë, ju, i nderuar, vrapuat të lidhni aleanca aty për aty, të shkaktoni mjegullë, të mospranoni realaitetin e dështimeve politike, nënvlersuat edhe konceptin e juaj ideologjik “itnegralist” dhe kërkuat mbeshtetje ke oponentët e Hashim Thaqit në Kosovë. Tani ua përkthejë mesazhin e Hashim Thaqit edhe një herë, qe nuk është asgjë tjetër perveç se përkthim bukfal,  pasqyrim i formulës “zbulim i zbuluar” që për çdo shqiptarë është e ditur dhe e qartë. Asnjë aleance nuk fshihet në prononcimin e Hashim Thaqit perveç hallit të vërtetë të shqiptarëve në Maqedoni. A mos vallë, ju i nderuar, deshtët që Hashimi të thotë se për të gjitha dukuritë negative në Maqedoni pyetjet e shqiptarëve duhet të adresohen ke partia e Arbër Xhaferit. Ose, të gjitha anomalitë që kanë ndodhur në kohën tënde, duke filluar prej mashtrimeve, maltretimeve policore, kidnapimeve, burgosjeve, ndjekja e ushtareve të ushtrisë suaj, duke mos përjashtuar këtu edhe familjet e tyre, pastaj vrasjet që kur nuk u ndriçuan, mos definimi i statutit te invalidëve të luftës, papunësia e madhe e shqiptarëve, etj.etj.. – të gjitha këto probleme, që u krijuan me ardhjen tënde në skenën politike si lider në Maqedoni, duhet të zgjidhen nga opozita dhe jo pozita. Të mos hutoheni, shqiptarët kanë pyetje edhe për opozitën që deri dje ishte pozitë, por pyetjet janë të natyrës tjetër, ndoshta këto pyetje ishin edhe nje nga shkaqet e konfliktit të vitit 2001 se shqiptarët nuk durojnë arrogancën e të medhënjëve lider në fillim te shekullit 21…Këtë e provoi edhe Berisha, por dështoi në vitin 1997. E sheh, i nderuar, se këtu edhe unë jam i njëjtë me prononcimin e Hashim Thaqit.

Ju, i nderuar, lider i BDI-së, për marketing të zgjedhjeve lokale në Maqedoni, lejuat aktivistët e partisë suaj të manipulojnë me posterët e Ramush Haradinaj, në kundërshtim me porosinë e tij, me idealin e tij se Kosova është para Ramushit, kurse ju vet vrapuat në të njëjtën kohë të “dëshmoni” i pari pafajësine e tij në Prishtinë.  Askush nuk beson se një veprim i këtillë i aktivistëve të partisë suaj i bën nder Ramush Haradinajt dhe familjes së tij, pavarësisht nga patriotizmi folklorik primitive ne rrugët e Shkupit. Juve edhe nuk ju interesonte shumë  Ramush Haradinaj, ngase u munduat të luani një rol të ndërmjetësuesit, rolin e mëparshëm të Xhaferit, rolin e kryeplakut të fiseve, gjoja se mund të manovroni në këtë rol krahas porosisë së Sollanës “se cfarë qeverie i duhet Kosovës”, i cili qe në start ka qenë kundër emërimit të Ramush Haradinajt për kryeministër të Kosovës. Kurse, nga ana tjetër, angazhuat në Maqedoni skoevcat për thyerjen e heshtjes parazgjedhore në zgjedhjet lokale, duke mbushur webfaqen e juaj në internet me materiale propagandistike, pastaj shfrytëzuat MTV të plasoni fitoren e Hazbi Likës para përfundimit të procesit zgjedhor. Krejt kjo dëshmon se demokracia në Maqedoni edhe pas konfliktit 2001 nën udhëheqjen tënde është kuptuar mbrapshtë, kurse mjetet e informimit publik shëndrrohen ne kamxhik partiak, edhe ma keq se në kohën e komunizmit, në kohën e PPD-së, në kohën e PDSH-së. Mua më vjen shumë keq që informatën shqiptaret ta marrin nga mediat joshqiptare, nga ata të mësojnë për ngjarjet në vendin e shqiptarëve. E ju, i nderuar, si cdo herë, ishit në Prishtinë. Buqkovski ne Turqi dhe Cervenkovski në Israel. Edhe në shtetet më të zhvilluara demokratike nuk ndodhin vizita zyrtare në kohën e zgjedhjeve. Kujt u munduat t’ia shitni këto marifete në Pazar? Do t’i kisha besuar demantit të webfaqes suaj të publikuar nga Drenushi në internet sikur të mos ishte fotografia e juaj me Bajram Kosumin në Kosovapress. Pra, ju qendruat në Prishtinë dhe jo siç pretendojnë skoevcat e partisë suaj në internet. Eshtë shumë e vertetë se Hashim Thaqi nuk deshti të takohet me ju në këtë moment të mjegullave politike në Kosovë. Por kjo nuk do të thotë se aga Abaz dhe Kërçova, strehimorja e heroit tonë Nuhi Berisha, i kanë dyert e mbyllura në Kosovë. Ama, aga Abaz, i nderuar, e jo Ali Ahmeti në rolin e babadimrit të vonuar në Prishtinë.

Ju, i nderuar, lider i BDI-së, duhet ta dini se Kosova ka program dhe ka udhëheqës që idealet e UÇK-së të mos zbehen, të mos vihen në pyetje, pavarësisht spektrit të ndryshëm politik atje, dilemat nuk ekzistojnë kur në pyetje është pavarsia e Kosovës, ndaj ata nuk kanë nevojë për asistencën tuaj integraliste, siç ju e kërkoni prej saj kur jeni në situata të palakmueshme në Maqedoni, ose, të them më mirë, vetëm integristët e partisë suaj jetojnë me bindje se shqiptarët mund të ndahen në pro-Hashim dhe pro-Ramush, kurse shqiptarët tjerë nuk mendojnë kështu, por edhe ju nuk mendoni kështu, pasi edhe Hashimi edhe Ramushi kanë luftuar nën betimin e amblemës se Ushtrisë Çlirimtare të Kosovës për ta larguar policinë dhe ushtrinë e Serbisë nga Kosova dhe për t’i dhënë vulë proceseve globalizuese botërore  edhe në këtë pjesë të Ballkanit. Ata nuk janë shetitur zyreve të Millosheviqit dhe oborreve të kishave të Italisë. Këtë i madh e i vogël e di në Kosovë, edhe atëherë kur nuk votohet partia e Ramushit ose partia e Hashimit. Por, kjo është demokracia, përcaktimi i qytetarëve në zgjedhje, që respektohet me të madhe në Kosovë nga të gjithë…

Pra, i nderuar, erdha te percaktimi, që është norma e parë e demokracisë, që buron nga koncepti i lirisë për të jetuar i lirë, për të zgjedhur në jetë, të quhesh Abaz apo të quhesh Ali, e ju zgjodhët të quheni Ali integralisti, të jeni lider i nje partie, të jeni të zgjedhur, kurse unë i lirë në percaktim të zgjedh, të percjellë punën e të zgjedhurve. Kështu, edhe unë e edhe ju, pvarësisht nga përcaktimet, para ligjeve duhet te jemi të njëjtë, me të drejtë të japim vetëm një votë. Asgjë e keqe këtu. Mirëpo, e keqja, në realitetin e shqiptarëve në Maqedoni, qëndron kur qytetarëve u mohohet përcaktimi, u refuzohet liria për të zgjedhur, mbushen kutit e votimeve, gënjeshtra shitet si e vërtetë, mjetet e informimit publik shqip bëhen pronë e partisë në pushtet dhe qytetarët mbeten në terr informativ. Provohet edhe më e keqja, verdikti i shqiptarëve nëpër fshatra shitet TOPTAN si në kohen e Ali Babës në Bagdad. Kjo kështu ka filluar të ndodhë në kohën e Alitit, ka vazhduar dhe është profesionalizuar në kohën e Xhaferit, kurse tani, në kohën tënde, po legjitimohet, përkundër “idealit” dhe luftës që ju e zhvilluat për “liri dhe të drejta më të mëdha” për shqiptarët në Maqedoni.

Dorën në zemër, zotëri Ali Ahmeti, nuk është edhe krejt zi, keq. Do të jem i marrë nëse nuk e pranoj se ka edhe aspekte positive me ardhjen e juaj si lider, por ju duhet të bëni edhe më shumë. Nuk do të thotë se në të gjitha zonat shqiptare veprohet kështu në zgjedhje. Nuk veprohet kështu atje ku ka zënë rrënjë vetëdija kombëtare, kultura dhe shkollimi, ku primare është shkenca, dija dhe puna. Atje e patën kot edhe Aliti, edhe Xhaferi, por edhe ju do ta keni kot nëse e provoni. Unë në këtë shkrim e kam fjalën për malësinë e Sharrit, për një pjesë të Kumanovës, rrethin e Shkupit dhe për disa lagje të getoizuara shqiptare në Shkup. E kam fjalën për zonat ku varfëria po merr haraqin e vet, ku shkenca dhe puna janë vetëm ëndërr e parealizuar, ku vetëdija e shëndosh kombëtare, përcaktimet demokratike dhe proceset globale nuk janë terminologji e fjalorit të përditshëm, në vend të gjithë këtyre përdoret feja e mullahave dhe qullahave, abuzohet nëna dhe fëmija, frikësohet dhe kërcënohet personeli edukativo-arsimor, votohet edhe për të vdekurit dhe krejt kjo llakërdi shitet TopTan nga mullahi ose qullahi, që në kohën e kralit kanë qenë në saff të parë, në kohën e Titos në saff të parë, në demokracinë e Alitit dhe Xhaferit vazhduan prapë të jenë në saff të parë, e po kështu edhe në kohën tënde. Ky fenomen dhe kjo fe e mullahave dhe qullahave bëhet lehtë servile e partisë në pushtet, ndërsa ata të pushtetit e preferojnë këtë fe për shkak se manipulimi dhe instrumentalizimi i mullahave dhe qullahave bëhet veresi në emër të një premtimi “udhëtimi” për visën false në xhenet.

Dhe, në fund, i nderuar, ta kam drejtuar këtë letër me shpresë se ju keni rastin të kapni trenin e fundit, keni një shansë historike, jo vetëm të nënshkruani kode të marrëveshjeve për zgjedhje të drejta dhe të lira, por edhe të mos e pranoni fenë e mullahave dhe qullahave, që deri dje ishin servilët e atyre që ishin para jush në pushtet. Ju takon tani juve, në vend që të shkoni e të mirreni me “big politics” në Prishtinë, të merrni Xhaferin për dore dhe të dilni në teren për çka edhe jeni zgjedhur, të ndalni këtë dukuri negative, të ndalni votat TopTan dhe grindjet e panevojshme, të betoheni se do të mbroni të drejtat e gruas shqiptare në përcaktim, të mos bëhemi objekt për të huajt se nuk e kuptojmë demokracinë drejtë, premtoni se do të zhdukni bashkarisht varfërinë, analfabetizmin, të ngritni nivelin edukativo-arsimor,  duke ofruar sende të kapshme, vende pune, plasmane për shitjen e prodhimeve të bujqëve shqiptarë, ose të gjeni fonde për stimulimin e fermerëve shqiptar, të hartoni plane për zhvillim dhe jo të mirreni me hallet e Kosovës, se askush nga Kosova nuk ju ka votuar, nuk ju ka zgjedhur. Por edhe nuk kanë nevojë.  Në të kundërtën, edhe ju nuk do ta keni larg, njëjtë si ish komandanti, e të deklaroni:”Si është e mundur në lagjen time, unë mbeta me 300 vota, ku shumica janë shqiptare, kurse Trifun Kostovski me 3000 vota.” Kjo duhet të na shqetësojë të gjithëve? Vëndonie gishtin në kokë, para se të merrni ndonje përgjegjësi!

Musa Lamallari,

15. 03. 2005

Albanian Homepage Shkupi