Sa here ulesha ne "Fejshavi" e shihja tymin e nargjiles me dy gaca prush ne enen e ornamentit egjiptian duke percjelle valet e radios me zerin e bukur te Ummu Kulthumit, qe per njerezit e ketushem eshte ze i cili me dhembje te thelle i kendon dashurise, menyres dhe stilit ekzotik te jetes. Pernjeheresh ky ze t'i ngjalle ndjenjat per aromen erotike ne shtratin e Sheherzades, me stilin e Kazanoves, pa u ngerthyer ne formen spirale te nje mije e nje neteve.

Aty, ne "El Husejn", sheh e çka nuk sheh, plot burra me fustana e gra me minifunde. Edhe aso grash te mbuluara e te mbyllura, si zana e Spartes ne mendafsh te kalter. Sa nuk mund t'ua shohesh bebezat e syrit. E lere t'ua zbulosh menjehere misterin e portokallit dimeror. Stinen kur portokajte piqen me bukuri joshese. Si ne fidanishten e mbretit Faruk. Per Farukin, nuset e bukura qe ne kujtese kane stilin e Kazanoves shqiptar, thone se, ne vend te ujit, ai pinte vetem leng te shtrydhur nga portokajte dimeror. Ne shtrat, ai, shtrydhte me lehtesi edhe trupin duke pire tembel te nxehte mollash te nuseve qe zhveshnin te gjitha fshehtesit e femres. S'kishte pire ai burr uje Nili. Prandaj edhe nuk u kthye kurre me ne Egjipt. E me te shkoi edhe dinastia shqiptare e Muhamed Ali Kavalles.

Atyre, vashave te bukura te Nilit, thone burrat me fustana, u vije hakut vetem Abdul Halim Hafidh, kengetar i kenges se gjalle ne dashurin e vdekur, qe hijen e tij e pushtojne me trup te bute dhe, ne çdo nate, e kane thelle ne gji, ne gjak dhe ne zemer. Mirepo, per Hafidhin e ndjere, si per çdo yll te muzikes, thone se ka qene impotent, s'ka pasur hormone shtrati, ka vuajtur nga kanceri, vetem nje Zot mund ta dije se çka ka pasur ne te vertete. Shpesh ndodhe qe, kur i ke ne preher bukuroshet e Nilit, si Jusufi a.s., t'i drejtohesh Zotit:"Une nuk e shfajesoj veten time, pse epshi eshte shume nxites per te keqen". E kur ato gjenden larg nga shtrati yt, me epsh nostalgjik, i bertet vetvetes dhe i vrojton hijet e tyre ne shtratin e nje mije e nje neteve. Keshtu, ç'te besh, eshte natyra e njeriut qe lengon nga frika.

O, Nil, lum i zhgjendrrave te mia ne shtratin

"Sheraton Baus"

vetem ti e di pse me pelqen "Fejshavi"

e askush tjeter!

Ne "Fejshavi" e takova Sylen duke u shkrumbuar ne tymin e nargjiles, qe te magjepste me nostalgji. Ç'dreq i zi te solli ne "Fejshavi", me pyet. I pergjigjem: merzia dhe romantika e syrgjynosur. Sillja, kamarier, edhe vendasit tim nje nargjile dhe nje sirup drethezash! A kemi ndonje lajm te ri, cime, eh?

Paj, pasi s'pat letra ne poste, s'di as vete ç'lajm te ri ka sot. E sheh kete gazete. Sot, pas shume muajsh, valet e "avanturave" e kishin futur ne nje fjok ne posten e "Bausit". Desha te kthehem ne banese, por s'munda. Dhe thashe, vetmevete, hajt te shkoj ne "Fejshavi". Aty, ndoshta, do te me hiqet pak merzia. Por, me thuaj, sa nargjile i ke pire? Ai ia priti menjehere: lere nargjilen. Ma jep gazeten, me tha, cime. Ama ta shoh se ç'ere fryn ne vendlindje dhe me trego se c ç'duhet bere une pasi ka kohe qe nuk kam marr leter prej shtepise. Kane humbur te gjitha lidhjet me Kosoven, nuk ka letra, nuk ka gazeta, nuk ka ze familje ne receptorin e telefonit, nuk ka kurgje. Ama kurgje, cime, bash hiç. Qy, i them une qe shfletoja gazeten, kjo gazete eshte nga Maqedonia dhe jo nga Kosova, me lajme te para nente muajve veçse ka per t'i shtuar merzite tua edhe me shume, kjo s'eshte "Rilindje" e as qe do e di ta luaj rolin e RILINDJES!?

Syla me tha: besome, cime, çka do e sido qe te jete, a eshte ne gjuhen shqipe, do te me hiqen pak merzite dhe do te me sherohen disa plage. Qy, bre, i them, mos m'u ben artist. Me kete gazete s'ke me çka t'i sherosh plaget tua. Ti, Syle, e di shume mire se "El Hilali", me "dy" denar pulle postare, prej Shkupi (Rr e Çairit 52) e deri ne Kajro (Islamic Students City 15 W 7), nje here, pa grime fytyre, bene avantura ne tre gjuhe neper kampe te ujdhesave me te bukura ne Mediteran dhe, per t'i la mekatet, zakonisht, ne ujdhesen e Kritit sterpike, me uje Sharri mbi varrin e Thalesit, e me pastaj, si virgjireshe plake, vjen te kaperceje çastet me te kendshme me studentet shqiptar ne shtratin e Sheherzades.

Cime, ja priti Syla, lere, ke te drejte, se vertete kjo gazete me tre gjuhe mua ka per t'i mi shtuar plaget e merziave edhe me shume. Une dij shqip, arabisht dhe frengjisht, por jo maqedonisht. Me trego, cime, sa muslimane qe flasin maqedonisht ka ne Maqedoni? Une, qesha, e i thash: Hajt t'i lajm rehat hoxhet e kesaj gazete dhe te kqyrim punet tona me tym te nargjiles, te mendojme se nje dite vjen edhe koha e jone kur kete gazete kena per ta bere shqip!? Mire e ke, me tha Syla, vjen nje dite edhe koha e jone…por kur…???

Musa Lamallari

Shkruar ne Kajro, mars 1989

Botuar ne "Flake" 22 maj 1992

Koment ju mund te shkruani ne Forum, duke klikuar ketu!

Albanian Homepage Shkupi