Analiza Politike

ADVERTISING AT ALBANUR

Advertising your business using the internet and the World Wide Web is not just about pretty pictures on a computer.

AlbaNur reaches the whole Albanian community throughout the world in real time.  Many of our visitors are from Europe & America, however there is growing traffic from our homeland in the Balkans as there become more internet users.  We strive to have the most up to date local and global issues important to Albanians, to ensure our continued success.  

E-Mail us at  TIM SHKUPI to find out how you can advertise your business at "AlbaNur".

ADVERTISING AT ALBANUR

Ndonëse Libri "2001 Fundi i Botës" nuk e ka kaluar ende numrin e vitit të vet, ndërkaq para vitit 2001, ka zbritur dhunshëm në dy ferre. Në njërin ferr ku është Iblisi dhe në ferrin tjetër ku është mulliri i tij që bluan trurin e hoxhëve të konvertuar në democratë fetar. Kurse unë do të mbetem "imami i parë" që guximshëm do të zbres edhe në ferrin e vitit 1999: në fundin e shekullit të dreqit! Atje ku edhe një herë do të provohet për herë të fundit të reinkarnohet Iblisi ne shpirtin e bijve te hazreti Ademit.

Iblisi, i ferrit të fundit, në zjarrin Havije, aty ku reinkarnohet intriga e djajve, duke rikomponuar orkestrin e koktulëve si thundrrina të rralla për këtë zjarr të lezetshëm në Piramidë, për momentin e muajit te bekuar "Ramazan" është përpjekja e fundit e tij per t'u futurë në gojë të gjarpërit, për të mashtruar Reisin dhe bijtë e hazreti Ademit për "parajsen e premtuar" në Piramidën e Mashtrimit. Ku janë orekset e pangopura të kulaqtulëve, kushtrimet e mjekrrave, mashtrimet, inskenimet, bushtrat, krimet, makthet. Vetëm për një qëllim: të përqafohen para bijve tjerë të hazreti Ademit me "lamtumirën e fundit" për ta ndjellë qefin e dashurisë për puthjen e lustrave të Iblisit në fytyrë.

Në këtë Piramidë, që korridoret e saj janë të ngulfatura nga era e qelbur e trupit të ballsamuar të faraonit, mumia e të cilit, në bazë të heroeglifeve nga Piramida e Keopsit do të mund të largohet, ose të zhduket prej aty, vetëm atehere kur me 17 shtator të vitit 2001 përfundon kronologjia e kablës mistike, duke sjellë shkatrrimin e përgjithshëm të mummies në ferrin e fundit të Iblisit.

Kështu, për momentin e pikërishëm në këtë Piramidë, nga era e qelbur, janë infektuar me virusin e mummies tre klane kryesore për të dëshmuar përkuljen e tyre të devotshme në lamtumirën e fundit në ferrin e faronit: që kanë punuar për Iblisin e tij gjatë kohës sa kanë qenë të gjallë, që do të duhet të punojnë tani edhe si të vdekur, por tani me shpirtin e tyre të shkërdhym!

Shyqyr Zotit që nuk u gjeta në Piramidën e Mashtrimit! Në mesin e shërbesës së fundit në homazhin e përcjellejes së fermanit ke Iblisi i Faronit të paemëruar në pazarin e FITNEVE. Do ta kisha fatin e njëjtë sikurse tre klanet e mbyllura përreth mummies së Faraonit të mbyllura për së gjalli. Unë në mesin e tyre qellova rastësisht vetëm në projktimin e skicës së Piramidës së Shpëtimit. Kjo zatën më jep mundësi për të shpjeguar para bijve tjerë të hazreti Ademit fatin e mjerë të tre klaneve të mbetura pengje pas homazhit te fundit të Faraonit, që janë në pritjen e Faraonit të paemërtuar në Pramidën e Mashtrimit.

Në shenjat e heroeglifeve, për tre klanet, që në ferrin e fundit do të përjetojnë zjarrin havije, përkundër përkushtimit të tyre të devotshëm: gjallë dhe vdekur në Piramiden e Iblisit, janë dhënë shpjegime dhe terminologji shume konkrete:

1)     Klani i parë është psikologjia e klanit konservativ me mentalitet patriarkal, që për të krijuar imazhin e forcës mbështeten në klerikalizmin e hoxhëve me prirje feudale, me nivel të ulët moral e arsimor dhe të cilët cdoherë janë të gatshëm për të mohuar mendimin e lirë islam. Personalitetet e plasaritura të këtij klani, duke shfrytezuar stazhin e moçëm të "devotshmërisë", me retorikën skolastike kanë ndikim vetëm në mjediset ku niveli i arsimit dhe i kultures shënon shkallën më të madhe të prapambeturisë. Ata shpesh vëndohen në lojëra të dyshimta, ishin të parët në komunizëm, janë të parët në demokraci, përgjithësisht safi i parë për shërbesë në homazh është më i preferuari në Piramiden e Iblisit.

2)     Klani i dytë është psikologjia e klanit familjar e krijuar gjatë sundimit të Reisit. Në këtë klan janë të rekrutuar pazarllekqinjët nga të gjitha fiset e Kabilit. Ata janë të gatshëm të bëjnë marrëveshje të ulëta me diken në dëm të dikujt, por gjithashtu kanë prirje të bashkëpunojnë me armiqtë e kombit dhe fesë dhe vihen në shërbim të tyre për të përfaqësuar interesat e fisit të Kabilit.

3)     Klani i tretë dhe i fundit është psikologjia e përzier e gjunahqarëve me gjuhë poashtu të përzier "Mir vo svetot, mir kaj nas…" Grupacioni i ketij klani paraqet dyfytyrësinë më problematike në homazhet e Piramidës së Iblisit. Në këtë grup bëjnë pjesë ata të cilët në të kaluarën kanë bërë shumë mëkate ndaj individëve dhe kulturës sonë në përgjithësi, kurse tani, në kushte të reja, bëjn cmos për afirmimin e librit "2001 Fundi i Botes".

Këtë cka e paraqita më larte askush nga kokëtulet në Piramidën e Iblisit, nuk kanë të drejtë të më vëndojnë në linç. Sepse unë jam i mbrojtur deri në vdekje prej eklipsit të diellit tim. As qenët e pushtetit të mos mirren me mua sepse është ofruar koha te reinkarnohet shpirti i hazreti Musait në luginën e shenjtë të Shkupit.

Një herë pata shkruar, kurse tash të tjerët do të shkruajnë ndryshe, do të jenë edhe më rebel se unë, do të prishin rehatin e kokëtulëve shqiptar dhe do të shkatrrojnë rehatinë e pushtetarëve sllav, që njëherit jane pardonë të disa kokëtulëve në Piramidën e Iblisit.

Dhe, në fund, do të përsërisë dicka nga libri për të cilin kam pasur shumë të drejtë, prandaj jam shume i thirrur të kërkojë shpëtimin e bijve të hazreti Ademit nga thunderra e Piramidës së Iblisit, nga mallkimet e tij të harxhuara në fund të shekullit të dreqit:" shfrytezoj lirinë të them se kurrë nuk kam qenë më i gëzuar sesa kur e humba durimin për t'i dëgjuar sloganet demagogjike të Reisit në fronin e inkouzicionit. Unë tash përpiqem të jem vetëm rebel i shkrimit për të shpëtuar njerëzit nga mallkimi i Reisit në Piramidën e Keopsit. Kurse grupet e xhematit (popullit) nuk e dinë se mjegullnaja të depërton në mushkëritë e bardha kur frymon midis puthadorëve të Reisit të konvertuar në "patriotë" fetarë!(?) O Zot! A vetëm nesër, si ushtria e Faraonit në detin e kuq, binden se ishin robër të epsheve dhe iluzioneve të tyre. Por atëherë, a nuk është vonë?…

Kështu pata shkruar atehere kur qenët e pushtetit jetonin me mendimin se mund të më frikesojnë, të më kafshojnë dhe kështu me këtë mendim do të mbesin të humbur në vitin 2001…, prandaj sot kerkoj llogari prej kokëtulëve të Reisit, se vërtetë unë nuk paskam qenë rebel, por njeri me dëshirë për të qenë imam i zellshëm dhe e vërteta e atëhershme paska qenë në anën time…Zoti ma pranoftë këtë të drejtë? Kurse ata me verbërinë e shpirtit të tyre do të jenë figurat e vonuara në këtë milenium të fundit…

16 dhjetor 1999

Albanian Homepage Shkupi