INTERVISTA ME ASTROLUGUN E PASIONUAR ADNAN ABRASHI

Tim Shkupi: I nderuar z. Adnan Abrashi, ne kontaktin e pare me AlbaNurin vitin e kaluar, ju na dërguat librin e Nostradamusit, te cilin ne e kemi botuar ne internet. Prej asaj kohe ju keni qene edhe një nder bashkëpunëtoret tonë me aktiv me shkrime tjera. A mund te na tregoni se publikimi i librit tuaj ne AlbaNur ka pasur efektin e vet te lexuesit e internetit?

Adnan Abrashi: Gjithmonë kompjuterin dhe internetin e kam pasur kryekëput si një mjet praktik. Kisha dëgjuar për shumë WEB-e shqiptare që ishin të publikuara në internet, por, gjithnjë kam qenë i bindur se ato janë vetëm kënde adoleshente ku komunikojnë dhe shkëmbejnë mendimet të rinjtë tanë, andaj, përveç si një vizitor kureshtar, kur nuk kam menduar se ndonjëherë do të jem bashkëpunëtor dhe pasionues i ndonjërës prej saj. E, pra, për këtë, e “keni fajin” ju-AlnaNur-i. Që nga momenti kur hasa në këtë faqe shqiptare, unë u impresionova dhe thjesht u dashurova në të. Në fillim si vizitor, por më vonë mendova se edhe unë mund të jap ndonjë kontribut të drejtpërdrejtë në të. Kështu, falënderuar ekipit tuaj të mrekullueshëm i cili më pranoj duarhapur, duke i potencuar mjaft shkrimet e mia në këtë faqe, e pash të arsyeshme që si dhuratë lexuesve të saj, t’ju ofroj falas librin tim të parë të shkruar si vepër, “Parathëniet e Nostradamusit”, i cili, në kohën kur ishte edituar si libër, kishte ngjallur një interesim të konsiderueshëm tek lexuesit kosovar.

Edhe pse sot, pas sa viteve të botimit të saj, kur ndonjëherë e marr në dorë këtë vepër, edhe vetë shoh se ajo ka mjaftë mangësi nga më të ndryshmet, por, gjithnjë mbetem i inkurajuar me faktin se, unë isha shqiptar i parë, që së paku me disa faqe të shtypura dhe në mënyrë origjinale, u morra me prezantimin sado modest të këtij parathënësi të madh botëror, tek i cili, në mes tjerash, kam vërejtur se, në parashikimet e tija voluminoze për të ardhmen e shumë popujve dhe shteteve të botës, nuk janë anashkaluar as shqiptarët.

Krahasuar me jehonën atëbotë që pati ky libër tek lexuesi kosovar, befasia ime më e madhe ishte pas publikimit të saj në AlbaNur. Sa e sa njerëz që më nihnin, më përgëzonin dhe uronin. Mjaftë sosh, më janë drejtuar në adresën time elektronike si dhe me telefon. Pas kësaj eksperience të fituar, tek atëherë u binda se promovimi i vërtetë i botimit të veprës sime“Parathëniet e Nostradamusit”, u realizua vetëm kur ajo u botua në AlbaNur.

Nuk dyshoj se ju këtë e dini, por edhe unë, si njëri prej shumë dëshmitarëve tjerë, e vërtetoj me plotë bindje se AlbaNuri është faqe më e vizituar gjithëshqiptare në internet.


Tim Shkupi: Ju keni shkruar disa letra edhe personaliteteve politike, por ne ketë interviste me ju, ne do te përmendim letrën drejtuar liderit te PDK-se, z. Hashim Thaçi. A mendoni se kjo letër ka pasur interesim ne forumin tona aq sa duhet?

Adnan Abrashi: Pranoj se unë nuk jam kurrfarë gazetari me pretendime serioze që të paraqitem në opinionin në cilësi të ndonjë analisti politik. Jam vetëm një intelektual që, në krahasim me masat e gjera popullore, realitetin tonë të tashëm politik, e veçanërisht kombëtar, tentoj ta shoh nga një këndvështrim ndoshta pak sa më të avancuar. Fundja, kjo duhet të jetë obligimi moral i çdo intelektuali të mirëfilltë: ta mbaj gjithmonë anën e popullit të vetë dhe ti shërbej atij pa kurrfarë kushti dhe interesi personal si synim. Nuk di sa kam qenë vërtet ashtu në jetë? Këtë le ta thotë, në rend të parë, biografia ime modeste, si dhe shumë të tjerë që më njohin mirë. Pa marrë parasysh sa jam treguar dhe sa tregohem jo partiak apo apolitik në jetë, luftën e fundit të UÇK-së, e konsideroj si njëra prej faqeve më të ndritshme të historisë së popullit tonë. Fatkeqësisht, kjo lavdi kombëtare, nën presionin e lakmive individuale materialiste të disa liderëve tanë politik, nga njëra anë, dhe interesave të errëta të shumë shteteve historikisht armiqësore për shqiptarët, nga ana tjetër, që u shpalosën përmes FANTOM institucionit të instaluar ndërkombëtar në Kosovë (UNMIK), tentohet të mohohet ose minimizohet me çdo kusht ky realitet.

Ne shqiptarët, gjatë historisë tonë të hidhur, kemi pasur shumë tradhtarë, por, kurdoherë që jemi bashkuar si komb, me kryengritjet tona ndaj pushtuesve të ndryshëm, e kemi dridhur Ballkanin dhe botën në përgjithësi.

Unë nuk i befasohem fare disa liderëve të tashëm politik sharlatan që përmes birucave të vogla dhe kanaleve të tjera të dyshimta kanë depërtuar në pushtet, por, në një moment u ndjeva i zhgënjyer nga një personalitet të cilin e kam çmuar dhe e çmoj si atdhetar të pa shoq. E ky është z. Hashim Thaçi. Ende mendoj se ai nuk ka gabuar por është në lajthim?. Ende mendoj se ai është i arsyeshëm dhe kupton, prandaj edhe ia bëra këtë letër.

Pra, një letër të hapët, sikur thotë populli “nga zemra e plastë”.
E botova atë së pari në AlbaNur dhe më vonë në agjencinë e lajmeve KOSOVAPRESS.
Nga mediet e shkruara, atë së pari e botoi gazeta e jonë e përditshme ditore ”Epoka e Re”
Pas publikimit të saj në opinion, unë vërtetë përjetova një befasi dhe mrekulli të madhe. Pasi që, kjo letër e hapur ishte me qëllime të mirëfillta dhe aspak tendencioze, përveç nga populli në përgjithësi, shumë mirë ishte pritur edhe nga anëtarët dhe udhëheqësja e gjerë e PDK-së. Sigurisht, nga AlbaNuri, më vonë, këtë letër e kishin publikuar edhe shumë faqe tjera shqiptare në internet.
Sinqerisht, mbetem me shpresë se ajo është pranua mirë edhe nga vetë z. Hashim Thaçi.
Si me këtë letër, ashtu dhe me disa shkrime tjera, PROMOVUESI im i parë si “analist politik” (të them kushtimisht ashtu) ishte, kush tjetër, veçse AlbaNuri.


Tim Shkupi: Ne përvojën e juaj ne fushën e astrologjisë, keni ndonjë mesazh qe doni ta bëni publike për shqiptaret, ose për te ardhmen e shqiptareve ne Ballkan?

Adnan Abrashi: Unë nuk kam interesim vetëm për astrologjinë, por pasioni im në përgjithësi është parapsikologjia, mistika, ezoteria dhe shumë mësime dhe urtësi tjera të reja dhe të lashta që merren me metafizikën e qenësisë sonë-SHPIRTIT. Si reflektim, i mu këtij interesimi të pasionuar për këtë lëmi, është edhe botimi i librit “Parathëniet e Nostradamusit”
Edhe pse në botë, veç është në kulmin e zhvillimit të saj, Parapsikologjia, tek ne shqiptarët, ende konsiderohet si “TABU TEMË”. Është ashtu, mu për shkak se në mentalitetin e popullit tonë, për këtë lëmi specifike, mbretëron një konfuzion i vërtetë. Po ashtu, ka mjaftë raste që kjo njohuri edhe të keqpërdorohet nga disa individë SHARLATANË.
Edhe pse, gjer më sot, me mjaftë shkrime nga kjo lëmi, kamë qenë prezent në disa revista revyale shqiptare, promovimi më i madh i imi në internet u bë fal AlbaNurit.
Mu kjo më dha idenë që edhe vetë të tentoj ta themeloj një Web faqe personale, duke e dedikuar atë pikërisht kësaj fushe të re të njohurisë .
Faqja ime e re (nëse më lejoni ta prezantoj) ka këtë adresë:
www.syri3.com
Kontributin, në të ardhmen për këtë faqe, unë e pres fuqimisht edhe nga vizitorët besnik të AlbaNurit.

Tim Shkupi: Natyrisht se kjo përkrahje nuk do t’ju mungoj as nga ne si TIM, dhe, besoj , as nga vizitorët tanë të shumtë shqiptar anë e kënd botës. Por, unë, në vazhdim, kish dashur që në këtë intervistë ta kemi një përgjigje pikërisht nga kjo lëmi dhe nga këndvështrimi i juaj metafizik dhe parathënës për të ardhmen e Kosovës dhe viseve tjera shqiptare në Ballkan? Çfarë e shihni ju atë?

Adnan Abrashi: E po... për këtë, pyetni politikanët tanë naiv dhe sharlatanë. Ata gjithnjë para popullit dilnin me disa parashikime absurde të cilat duhet konsideruar si gënjeshtra të kulluara dhe asgjë tjetër. Nëse do t’i besonim atyre, Kosova kaherë duhet të ishte e pavarur? Por, ja se jemi aty ku jemi? Jemi askund!

T’i kthehem edhe një herë veprës sime “PARATHËNIE E NOSTRADAMUSIT” e cila ishte botuar që në vitin 2003. Aty, bazuar në disa analiza të mija të shkrimeve të këtij parathënësi të madh botërorë, morra guxim intelektual që për statusin e ardhshëm të Kosovës të parathem një pavarësi të caktuar, por, në kuadrin e ndonjë integrimi ballkanik apo edhe më gjerë, ku frikohesha me arsye se mos aty , bashkë me ne, do të jetë edhe Serbia.

Me sa po duket sot, fatkeqësisht, politika ndërkombëtare për Kosovën është e orientuar në këtë drejtim: Kërkohen ende bisedime dhe një koncenzus me Serbinë. Pa marrë parasysh gënjeshtrat e bashkësisë ndërkombëtare dhe politikanëve tanë me termin pavarësi, Kosova as me pakon e Ahtisaririt dhe as me kombinimet tjera në të ardhmen, aspak nuk do të reflektoj pavarësi në plotëkuptimin e fjalës.

F A T K E Q Ë S I SH T është kështu, dhe unë çdo ditë i lutem Zotit që ta kem gabim, sepse, dëshira ime e sinqertë është që Kosovën mos ta shoh si shtet të ndarë në vete, por si pjesë e BASHKUAR E TË GJITHA TROJEVE SHQIPTARE.

Pak kusht nga ne e di dhe dëshiron të besoj se, për Kosovën ekzistojnë shumë teori konspirative. Krijuesit e këtyre teorive, tejet mirë e dinë se kush është populli shqiptar, andaj, atë, edhe nuk duan ta shohin të bashkuar. Nuk i frikohen ata jo, forcës materiale dhe potencialit fizik njerëzor të shqiptarëve, por shpirtit kolektiv të tyre. Nëse një here ne shqiptarët, gjë që do të ndodhi dikur patjetër, bashkohemi si një shpirt dhe trup unik, atëherë, kjo Evropë e jona, do të jetë e sunduar nga ne. Nuk mendoj në mënyrën klasike, e sunduar ushtarakisht nga ne, por shpirtërisht. Populli shqiptar është gjenetikisht një popull i vjetër i planetit tonë, dhe gufimi i i kësaj energjie latente të akumuluar me shekuj si civilizim më i përsosur, do të mbisundojë ndaj popujve tjerë. .

Tim Shkupi:. “Shpirti kolektiv i popullit tonë”? Është kjo një metaforë stilistike e të shprehurit figurativ, apo ekziston vërtetë?

Adnan Abrashi: Po? Ekziston vërtetë!. Ne si individ nuk jemi vetëm qenie fizike materiale, por jemi edhe qenie shpirtërore jomateriale apo metafizike. Këtë sot, pa dyshim, nuk e mohon as shkenca zyrtare. Çdonjëri prej nesh, si një shpirt individual është njëkohësisht edhe si një pjesë e shpirtit kolektiv në tërësi. Këtë hapësirë të “shpirtësisë” kolektive, Jungu e ka quajtur, “ANIMA MUNDI.
Edhe pse ky fenomen është pak sa abstrakt dhe për tu sqaruar gjerësisht kërkon kohë dhe hapësirë, unë në vazhdim kisha tentuar që sado pak ta bëjë atë të kapshme: Nivelet shpirtërore janë nivele me frekuenca të ultë të valëzimit elektromagnetik, ashtu që, cilësia e ndërtimit të tyre nuk mund të regjistrohet me asnjë instrument të njohur sot për ne. Nëse nuk mund të regjistrohet, kjo aspak nuk do të thotë se nuk ekziston.

Në këtë hapësirë jomateriale e quajtur ASTRAL, është e akumuluar dhe akumulohet vazhdimisht, sikur energjitë e ngjarjeve të kaluara, ashtu edhe energjia emocionale e synimeve tona të tashme individuale dhe kolektive. Nëse, permanent mendojmë keq, kultivojmë urrejtjen, xhelozinë...etj., këto emocione negative, shtresohen në planin astral dhe bëjnë presion në ne. Këto presione, në realitetin tonë objektiv material, shprehen përmes veprimeve të caktuara individuale si: agresivitet, depresione, sëmundje te ndryshme mentale dhe fizike...etj., ndërsa në planin kolektiv, shprehen si: luftëra, kataklizmat, skamje, fati i keq gjithëpopullor etj.

Me këtë shembull pak sa më praktike, do ta kenë të qartë ata që sado kudo e njohin sistemin e punës së rrjetit të internetit. Krahasoheni individin si një IP adresë, familjen si roter, qytetin, regjionin, kombin, kontinentin, si server, provajder...etj.

Tim Shkupi: Çka, ta zëmë, nëse kjo lëmi që ju e përfaqësoni, bëhet e popullarizuar tek masat tona popullore, a do të kemi në të ardhmen ndonjë përfitim kolektiv prej saj?

Po! Po, dhe patjetër. Në rend të parë, do t’i njohim thellësisht ligjshmëritë shpirtërore që mbretërojnë në natyrë dhe përmes njohjes së tyre, individualisht dhe kolektivisht, do të jemi ai dhe ata që vërtetë duhet të jemi – krijesë dhe krijesa të një tërësie të pandashme hyjnore. Ne, realisht edhe lindim si hyjnor, por, më vonë, gjatë edukatës tonë me dominimin e materializmit e zbehim ose humbasim këtë paralelizëm. Duke ngritur dhe kultivuar këtë bindje fisnike në vete, fillimisht si individ, më pas si grup, dhe së fundi si popull, do të jemi krijesa më të lumtura dhe më të shëndosha metale dhe fizike në botë. Njohja, bindja dhe kultivimi i ligjeve shpirtërore që veprojnë në Univers, praktikisht do të thotë afrimi she shkrirja në krijuesin tonë të vërtetë.
Duket, pak sa absurde dhe utopike ky synim, por, sigurisht ia vlen të angazhohemi në këtë drejtim.

Tim Shkupi: Ndonjë mesazh për vizitoret e AlbaNurit?

Adnan Abrashi: Po! Mesazhi im është i shkurt dhe tejet i sinqertë: Mashtrohen të gjithë ata që mendojnë se AlbaNuri është i MIRË....Jo! AlbaNuri është vetëm MË I MIRI dhe asgjë tjetër...